A EDUCACIÓN DA POBRA DEBATERASE NO PARLAMENTO DE GALICIA.

O Viceportavoz do Grupo Parlamentario dos Socialistas de Galicia, José Manuel Lage Tuñas presentou unha proposición non de lei no Parlamento de Galicia co obxecto de que o goberno galego atende as reivindicacións da comunidade educativa de A Pobra do Caramiñal

O goberno galego está deteriorando a educación pública no Barbanza, ao recortar profesorado e non atender as demandas das nais e pais que piden mellloras nas aulas dos centros educativos.

Feijóo decidiu que o Gaiás era unha prioridade e a educación non, porque en época de crise as obras da cidade da cultura siguen adiante pero no ensino público o único que vemos son recortes, menos profesorado, menos infraestruturas, menos axudas, menos persoal de apoio. Feijóo privilexia ao ensino privado ao mesmo tempo que fai recortes no ensino público e á vista están os recortes, xa que só fai falta botar un ollo aos centros educativos da comarca para ver as dificutades que atravesan.

No noso concello o goberno de Feijóo eliminou unha praza dun mestre de Audición e Linguaxe, sustituíndo este servizo por un profesor a media xornada e en horario de tarde, xusto cando menos horas de clase hai e cando máis alumnado o precisa. Ou sexa ¡¡todo un avance!!

Os socialistas da Pobra queremos denunciar que o PP está a deixar de atender a unha parte importante de nen@s con necesidades especiais e que deberían contar co apoio e soporte dun especialista de Audición e Linguaxe. Isto non é importante para o PP.

O grupo parlamentario do PSdeG-PSOE tramitou onte unha proposta no parlamento “para que o goberno escoite as demandas da comunidade educativa de A Pobra do Caramiñal e quite a venda dos ollos”. Asó o recolle o texto registrado por Lage Tuñas.

Ademais do recorte do profesorado, temos que recordar o incumprimento do Plan Xeral de Normalización da Lingua Galega, así como o fracaso do programa Abalar, a existencia de graves deficiencias nas infraestruturas dos centros educativos ou a máis que discutible planificación dos centros plurilingües, o que deixa ver a verdadeira cara do Partido Popular no goberno de Galicia”.

Pero iso sí, para a visita do Sumo Pontífice, para eso hai millóns!!!

Esta é a política de prioridades do Sr. Feijóo: ¡¡¡Gaiás e Papa!!!

(Imaxes da TV do Salnés-Barbanza)

SUSPENSO Á SANIDADE DO PPdeG.

A secretaria de Sanidade da agrupación provincial do PSdeG-PSOE, Natividad González Laso, á vista dos datos do 2ª trimestre do ano 2010, denunciou hoxe que o hospital do Barbanza “ocupa o cuarto posto no inaceptable ránking de peores indicadores dos hospitais galegos”.

González Laso afirmou que, co goberno do Partido Popular, a espera media de Galicia, para unha intervención cirúrxica, empeorou en 4 puntos pasando de 67 a 71 días.

Tamén creceu, en 2.000, o número de pacientes en espera cirúrxica, incrementándose en 8 dos 14 hospitais públicos, e dicir en máis da metade, e xa chegan a 36.180 persoas pendentes dunha intervención.

Respecto das consultas, empeoraron 27 dos 34 servizos, é dicir o 80% e se incrementou en 10.183 o numero de pacientes que esperan por unha consulta,respecto aa xuño de 2009, e chegan xa a 203.753 pacientes.

Por outra parte un terzo dos hospitais públicos empeoraron os seus resultados( 4 dos 14 hospitais) sendo o H. do Barbanza o que ocupa o 4º posto no triste ranking de indicadores.

Segundo a responsable de sanidade da executiva provincial dos socialistas, o número de pacientes que esperan por unha intervención cirúrxica no Hospital do Barbanza, incrementouse un 6% respecto a xuño do ano 2009.

Destacan os datos do servizo de Oftalmoloxía que incrementou a espera nun 56% respecto do ano 2009, ou a cirurxía dixestiva cun incremento da espera do 16%.

Os socialistas criticaron a inequidade no acceso aos servizos para as persoas que teñan este Hospital de referencia, xa que espera con respecto a 2009, medrou en 5 dos 7 servizos ofertados, e mesmo se ten duplicado o tramo de espera entre 3 e 6 meses.

Respecto das consultas,máis xente espera máis tempo así o H. do Barbanza esta 11 puntos por riba da media galega os pacientes teñen que esperar 72 días fronte aos 61 da media galega.

Empeoraron 7 servizos, nomeadamente nefroloxía que incrementou a espera nun 170%, cardioloxía, 135%, traumatoloxía nun 120%, otorrinolaringoloxía nun 92% cirurxía dixestiva nun 80% sorprende a maquillaxe de xinecoloxía respecto ao de fai 3 meses.

Todos estes datos apuntan, segundo os socialistas coruñeses, “a un vertixinoso deterioro da calidade asistencial na sanidade pública galega, nun só ano, debido ao abandono e incapacidade do goberno da Xunta”, que está a propiciar “un panorama desalentador e inaceptable”

“Hoxe en Galicia hai máis xente( 2.000 pacientes máis) esperando durante máis tempo para ser intervida cirúrxicamente, ou para dispor de diagnóstico e tratamento para a súa enfermidade ( 20.000 pacientes máis)”, afirmou González Laso que considerou que, en materia sanitaria, o balance do primeiro ano de goberno de Núñez Feijoo “é nefasto, pois está a producir un profundo deterioro do sistema público de saúde.

CRISPADO E INTOLERANTE

Esta imaxenn pertenece ó Pleno de onte no Concello da Pobra. É a fotografía da crispación e do amargor per se, é a cara da rabia. O voceiro do PP non é quen de sorrir nin tan siquera nun pleno como o de onte, onde se trataba un so asunto de mero trámite; é un home incapaz de relaxarse e de dar un tono distendido aos asuntos mais triviales. Esta imaxen fala por si soa e outorga a verdadeira dimensión deste home que ve inimigos por todas partes. e que busca ensañarse co adversario político.
A man dereita e executora de Maceiras, o seu home de máxima confianza, é isto, o que vedes na fotografía.
PURA INTOLERANCIA.

¿HABÍA CORRUPCIÓN NO PP O 1 DE MARZO, O SABÍAN FEIJO9 E MARIANO?

Quizá moita xente se ten esquecido de todo o que levan soportado Zapatero e o PSOE respecto da trama Gürtel, o caso mais escandaloso de corrupción política da recente historia da democracia neste país. Quizá ninguén lembre xa as non moi lonxanas declaracións de doña Cospedal asegurando que o Goberno espiaba as conversas dos seus políticos e imputaba ¡¡DELITOS!! ao goberno de Zapatero. É posible así mesmo, que teñamos caído na desmemoria colectiva no caso mais aberrante de sucidade no xogo político, a saber, as eleccións autonómicas do 1 de marzo nas que numerosas falacias vertidas dende o PP non deixaban títere con cabeza. A falaz mansedume de Alberto Núñez Feijoo e de Mariano Rajoy quedan postas en evidencia ante o espectáculo lamentable que estase a dar dende Génova, dende a mesmísima médula do PP. Si hai uns días Esperanza Aguirre se desfacía duns cuantos diputados, que ata hai dous días eran da súa confianza máxima, como López Viejo, coma si ela estivera ao marxe, libre de pecado e protexida de toda perturbación, cando o caso Gürtel afecta de pleno a políticos do PP en Madrid, hoxe é Jaume Matas, ex presidente de Baleares o que engrosa os titulares de toda a prensa nacional: o xuíz o cita como IMPUTADO nun caso de corrupción flagrante, onde a xustiza investiga si Matas incrementou o seu patrimonio coa construción do velódromo de Palma Arena.

Sen falar de traxes, reloxos e coches de luxo e outros agasallos, como demostra o sumario do Gürtel, nós preguntámonos que fan Pablito Crespo ou Pilar Farjas en todo este engrenaxe e ata que punto o PPdeG ten actuado de xeito fraudulento.

Lembremos por exemplo o coche que Citröen regalou no seu día ao actual presidente da Xunta, Alberto Núñez Feijoo. Naqueles intres o PSdeG calou para non baleirar o contedor do lixo nun exercicio de responsabilidade política. Visto o que está a acontecer vai resultar ó final que a verdadeira corrupción a estaban practicando os dirixentes do PPdeG, mentres daban por bo aquel dito popular (do pobo) que reza Cre o ladrón que todos son da súa condición.

Xa veremos ata onde vai salpicar o Gürtel. De momento xa lle cortaron a cabeza ó PPijo de Costa por non lla cortar a Camps de momento...¡todo un President!. Mariano está a tremer coma un flan. Co ben que lle ía a el, estoupando a crise e asoballando a Zapatero, e agora o que lle estoupou foi unha granada de lixo corrupto no mesmísimo corazón de Génova.

¿Sabían Níñez Feijo9 e Mariano a implicación de Crespo nesta trama, hai algo mais detrás? A actual Conselleira Farjas contratou unha campaña sobre as vacas tolas a unha empresa do Gürtel en 2001 ¿Estaba vencellada á mesma? Todo esto e moito mais preguntámonos dende o PSdeG.

O PPdeG ten moito que lle explicar ós galegos respecto do comportamento de Pablo Crespo, Carlos Negreira e Núñez Feijoo. Que vain poñendo as súas barbas a remoxo. E a Cospedal que a cesen tamén, que algúns non esquecemos a infamia.

OS RÍOS DE PEMENTO BY ISAAC MACEIRAS

Fotos cedidas por u nha compañeira da agrupación da Pobra que as fixo hoxe mesmo no río. Non coment.

DEFENDAMOS A GRATUIDADE, É UN DEREITO CONSOLIDADO

O xoves comenza o curso para miles de nenos e nenas de toda Galicia cuios pais e nais este ano van ter que facer un importante desembolso na compra dos libros, como ocorría antes da chegada de Touriño á Xunta de Galicia. Hoxe unha gran parte das familias galegas, mileuristas moitas delas, van ver como este PPdeG de Feijóo arrasou cunha das medidas mais importantes levadas a cabo polo goberno socialista de Pérez Touriño.

NON DEBEMOS ESQUECER:

-Para o PSdeG o Estado do Benestar se consolida en función de Dereitos; e a Educación é un piar indiscutible do estado do Benestar
-O PSdeG implantou en Galicia un novo dereito cidadán no sistema educativo:
a gratuidade dos libros de texto para todos e todas e debe ser considerada como un Dereito Universal.
-Co sistema do PSdeG, o cen por cen dos estudantes e das súas familias se beneciaban da gratuidade dos libros de texto. Máis de 217.000 estudantes e 167.000 familias
-O Partido Popular decidiu agora eliminar un dereito xa consolidado no sistema educativo galego: miles de familias galegas voltarán a ter que pagar os libros de texto
-O Partido Popular non quere falar de Dereitos Cidadáns e prefire un modelo que recorda ao vello sistema de benecencia.
-Grazas ao Partido Popular 130 mil familias pagarán agora os libros de texto; o que signica que o 78% perderán ese dereito.
-Co sistema do Partido Popular, unha parella que gane 771 euros brutos ao mes cada un, e teña dous llos; ou que gane 558 euros e teñ un só llo, terán que pagar os libros de texto.
-O PSdeG non renunciará nunca a un Sistema Educativo Público, Universal e Gratuito. E non lle permitirá ao PP que o dinamite.

LEMBRADE, ¡ SÁBADO 12 DE SETEMBRO EN VILAGARCÍA!

Non esquezades que o vindeiro sábado 12 de setembro celebramos a Festa dos Socialistas de Galicia en Vilagarcía. No recinto ferial de FEXDEGA ás 12 horas.
¡Esperámosche!

ALCALDE: ¡QUEN CONTAMINA QUE PAGUE!

Non desistimos no empeño de erradicar os vertidos industriais, tal e como afirma hoxe TVSB na noticia que publica co video no seu TeleXornal, no Río Morto. Como proba, as catorce denuncias que presentamos ante a policía local tan só nos últimos catro meses dando conta de episodios contaminantes.

O desta mañá é, segundo a voceira socialista Teresa García, un máis na longa lista de vertidos de orixe industrial que se producen no municipio cos consecuentes danos medioambientais e, mesmo económicos. Para acabar con este tipo de prácticas ilegais, ¡¡pedímoslle ó ALCALDE que faga efectivas as MULTAS contra os infractores!!

Levarémolo á Fiscalía do Medio Ambiente ademáis de presentar unha moción relativa a este tema para o seu debate no vindeiro pleno, onde o PP nos dirá que votan en contra da moción porque xa o están arranxando. Como fan sempre.

Queremos unha Pobra bonita, fermosa, unha Pobra limpa por todos os recunchos, corredoiras e lugares. Queremos que a máxima autoridade municipal TOME CARTAS NESTE ASUNTO E REMATE DUNHA VEZ COS VERTIDOS. ¿Hai acaso lugares de primeira, segunda o terceira categoría neste pobo? ¿Por que, nos preguntamos, NON SE COIDA A NOSA NATUREZA QUE O NOSO GRAN CAPITAL, POR QUE O ALCALDE SÓ MIRA POLAS PLAZAS E O XARDÍN?

POLO NOSO POBO, POLA NOSA PAISAXE, POLO NOSO MEDIO......¡ALCALDE ACTÚA!

A EDUCACIÓN EN BRANCO E NEGRO DO PP

O Goberno da Xunta ven de botar abaixo, unha vez máis, unha das medidas que en materia educativa adoptou a Xunta de Touriño. Como fixeron coa gratuidade nos libros de texto, o PPdeG acaba de aprobar no Consello da Xunta a inclusión no sistema de concertos a cinco colexios que separan fisicamente ós nenos das nenas.

Xa hai anos que este país intentou deixar atrás a separación de sexos e optouse pola COEDUCACIÓN no ensino público e tamén nunha gran parte dos centros concertados. Sen embargo, seguen a existir vestixios da (in)moral nacional-católica. Sen ir moi lonxe atopámola en centros de ideoloxía moi próxima ao PP, á Igrexa Católica e mais concretamente ó Opus Dei e Ós Lexionarios de Cristo, auténticas sectas relixiosas que “instrúen” na diferenciación de sexos e moi lonxe da igualdade entre homes e mulleres (non podemos utilizar o termo educar)

Feijoo volve a abrir o melón da discordia nunha sociedade que, maioritariamente, aposta por unha educación non sexista e laica. Feijoo aposta por subvencionar ó “opusdeísmo” e ós “lexionarios de Cristo” empregando para elo diñeiro público. Ese mesmo diñeiro que vai saír do recorte nos libros de texto e outras medidas similares.

Xa vemos iso de que co aforro dos libros de texto ían mellorar os comedores, o transporte escolar etc.

As mentiras de Feijoo medran en relación directamente proporcional ós recortes educativos e sociais. Nada novo nin nada inesperado. Para moitos cidadáns, desgraciadamente, a crónica dunha desfeita anunciada.

E por si fora pouco, fomentando a desigualdade de sexos dende a infancia.

O diñeiro público de todos e todas para favorecer a segregación por sexos en cinco centros galegos de familias ricas e acomodadas.

Todo un hito. Que vaia tomando nota España enteira do que se aveciña co “Ciudadano Rajoy”

“La separación de sexos en la enseñanza es, precisamente, lo contrario de lo que acontece en la vida cotidiana. En ésta los niños de uno y otro sexo juegan juntos, conviven en familia y se relacionan con naturalidad. ¿Por qué entonces distorsionar de tal modo en la escuela lo que es absolutamente natural fuera de ella? El hacer del otro sexo algo distante y separado en el momento escolar contribuye a proporcionar una visión unilateral y viciada de la vida y de la humanidad ya dificultar la fluidez en el entendimiento entre dos mentalidades históricamente distintas. Además, tal separación es discriminatoria para la mujer y moralmente hipócrita”

(Fundamentos de pedagogía de la Institución Libre de Enseñanza)

A DIMISIÓN

VERGOÑENTO, INMORAL E INDECENTE.

A dimisión ou cese forzado do arrogante e innombrable que ven manexando a tesourería no PP é a mais desexada dos últimos anos. O PATRIMONIO inmobiliario do tesoureiro (en 2007 declaró 2,5 millones de euros) o seu SOLDO (225.000 euros anuales como gerente) e un tren de vida FABULOSO son un auténtico ESCÁNDALO POLÍTICO. E Rajoy mentres tanto mirando para outro lado.... ¿Mirando para a lúa de Valencia?

DA INXURIA E DO PP

NOTA DE PRENSA

OS SOCIALISTAS DA POBRA REXEITAN A MALEDICENCIA COMO INSTRUMENTO POLÍTICO.

Ante as acusacións vertidas polo PPdeG contra unha militante da nosa agrupación pola súa implicación na defensa da gratuidade dos libros de texto, os socialistas da Pobra queremos deixar claro o seguinte:

· A utilización da mentira como ferramenta para defender o indefendible é propia do PPdeG, e por extensión, propia do PPdeG da Pobra e do Sr Isaac Maceiras, que a utilizaron durante anos para denostar e desprestixiar ós nosos compañeiros concelleiros e mesmo a un Alcalde socialista.

· Non nos sorprende nada que así actúen, xa que o están a facer a diario cos nosos compañeiros concellais. É a única forma que coñecen ben de facer política: enchéndoa de lixo e utilizando a MALEDICENCIA.

· A militante aludida polo PPdeG, na súa nota,, NON É CONCELLEIRA NIN OSTENTA NESTES INTRES CARGO ÓRGANICO ALGÚN, polo que é unha FALSEDADE MAIS do PPdeG..

· Aludir as rendas persoais, gañadas co traballo propio, É UNHA INDECENCIA E DEMOSTRA A BAIXA CATADURA MORAL DO PPdeG E DO PP DA POBRA que coñece perfectamente aos veciños e veciñas deste pobo e saben perfectamente de que viven.

· O PSdeG da Pobra defende a gratuidade dos libros de texto que puxo en marcha o Goberno de Touriño, e estará nesa defensa permanentemente e en todo momento por riba de cuestións de carácter persoal como o salario de cada quen ou o partido no que militen