¡¡SEGUEN VERTENDO!!!¡ ¿ONDE ESTÁ O GOBERNO DE ISAAC?

O PSOE da Pobra volveu denunciar a existencia de vertidos industriais no polígono da Tomada.

Despois de que o deputado parlamentario, Xosé Manuel Lage, propuxera ó parlamento a implantación dun plan de control e erradicación de vertidos no concello da Pobra, o alcalde informou de que, xa dende o mes de xuño, estaba en marcha un protocolo de vixilancia ambiental.

Sen embargo, para os socialistas este protocolo non é máis que papel mollado, posto que nos últimos meses seguiron a detectarse os vertidos. Este xoves, a voceira socialista alertaba da presenza dun novo vertido procedente da tubaxe que atravesa a estrada AC-302 e verto no Río Morto.

Tan só neste último mes, foron tres as denuncias presentadas, con data 9 de xullo, 14 de xullo e a 23 de xullo. Nas tres ocasións personáronse alí axentes da Policía Local dando conta da presenza de vertidos presuntamente de orixe industrial.

Teresa García insiste en que o protocolo ambiental que di estar aplicando o goberno non da resultados porque é o propio goberno quen incumpre a lexislación e permite ós contaminadores proseguir con estas prácticas. Unha prácticas que, din, están a provocar importantes danos tanto ó medio ambiente como a outors sectores produtivos.

Por todos estes motivos, instan ó goberno a aplicar a normativa sancionadora con toda a súa forza e erradicarm dunha vez por todas, os vertidos.

Redacción Barbanza TVSB

DÍA DE GALICIA, O SOCIALISMO GALEGO EN RIANXO

Os socialistas galegos conmemoramos o 25 de xullo, Día de Galicia cunha homenaxe a Castelao. Estaremos mañá, como todos os anos, en Rianxo, onde naceu este ilustre galego. Alí, ás 12:30 horas no Paseo da Ribeira, o Sº Xeral do PSdeG-PSOE Pachi Vázquez, o Alcalde de Rianxo e todos os cargos políticos e institucionais de Galicia, militantes e simpatizantes faremos unha ofrenda ante a estatua do escritor.
¡¡Esperámoste!!

NON É FICCIÓN, É "LO QUE LA VERDAD ESCONDE"

Os socialistas da Pobra e os veciños estamos ATÓNITOS, ABRAIADOS, ESTUPEFACTOS, DESOLADOS E ¡¡INDIGNADOS!! xa que iamos apoiar no Pleno extraordinario previsto para o mércores día 22 de xullo, o Plan de Saneamento económico no marco do Real Decreto lei 5/2009 como xa se fixo nos concellos de Rianxo e Boiro.

Estamos totalmente desconcertados coa decisión adoptada polo goberno municipal, que tiña previsto levar a cabo un PLAN DE FINANCIACIÓN que posibilitaría o pago das facturas pendentes a empresas e autónomos, de SUSPENDELO sen mais explicacións.

A nosa portavoz e Secretaria Xeral acusa ó Sr Isaac e ó PP de ESCONDER A REALIDADE, unha realidade que se traduce, segundo fontes moi ben informadas en ¡¡TRES MILLÓNS DE EUROS!!.... Unha cifra tremendamente perigosa que sitúa ao Concello ó borde do abismo económico, da creba e da ruína. ¿Ten sentido – pregunta Teresa García – ter o Pleno convocado e na véspera darse de conta da súa inviabilidade si non subían os impostos?

Maceiras , algo estás OCULTANDO ó pobo.

Vamos ver senón: convoca un pleno extraordinario para facer un prantexamento de saneamento das arcas municipais que incluía o financiamento de 1.000.000.-€, é dicir 166 millóns das antigas pesetas, e uns días antes da súa celebración desconvócao, e isto “parece ser”, baseado no seguinte:

Que si pide o crédito para pagar a quen lle debe, terá que prescindir de facer inversións.

Que non quere subir os impostos, única solución viable, di el, para poder facer fronte ao crédito.

Que vai a reducir en gastos de persoal.

Que xa dentro de dous meses o arranxa.

Vamos a traducir as manifestacións feitas por este Alcalde dunha forma seria e rigorosa, para que se entenda:

1) Si pide o crédito e se lle paga a todo o mundo non pode inverter, é probable, pero entón hai que aclararlle a todos os veciños que quen esta facendo as inversións e as obras neste pobo non é o Concello senón que son todos aqueles veciños e veciñas aos que non lles pagan as súas facturas e se lles adeudan 166 millóns de pesetas. (versión oficial cara a opinión pública). A realidade, o concello debe 498 millóns de pesetas a acredores.

2) Dinnos que non queren subir os impostos pero dentro duns meses sube a contribución, polo que debe interpretar o Sr. Isaac que a contribución non e un imposto.

3) En canto aos gastos de persoal ... ¡¡que vai reducir!! Hai que traducilo en postos de traballo e tendo en conta que o custe medio dun traballador é de uns 18.000.-€ aproximadamente ¿vai reducir uns 55 postos de traballo?. Que nos aclare en que servicios vai facer o recorte.

4) Dicir, que dentro de dous meses arranxa o problema é tomarnos a todos por parvos, a no ser que lle vaia tocar a lotería, e terá que explicar de forma seria que variables van cambiar de aquí a dous meses para atreverse a dicir isto. Si non se poden pagar 1.000.000.-€ en seis anos ten que explicarnos como vai pagar 300.000.-€ ou 400.000 en ¡¡UN ANO!!, segundo as manifestacións feitas aos medios.

A VERDADE E A REALIDADE do Sr. Isaac é que non ten capacidade para pagar un crédito a curto prazo. O que pretenden é ¡¡¡HIPOTECARNOS polo menos a 20 anos!!!,

O equipo de goberno é incapaz de asegurar ingresos suficientes para poder facerlle fronte a un crédito durante 6 anos. A consecuencia é que os acredores do Concello da Pobra, lamentablemente non van a poder cobrar polos servicios prestados, pese a que o Presidente do Goberno de España JOSÉ LUIS RODRIGUEZ ZAPATERO puxo en marcha un Plan para combater a mala situación económica dos 10 anos de goberno de despilfarro do Sr. Isaac.

Según as informacións obtidas por este grupo político, o Concello da Pobra ten unha débeda de facturas sen contabilizar, (no queixón) por valor de 3 MILLÓNS de euros. ¡¡ESTAMOS NA RUÍNA!!

Para verifica-lo solicitamos ó Sr. Alcalde, o día 31 de outubro do 2008, a relación nominal dos acredores, pero o Sr. Isaac non foi capaz de entregala nin sequera de deixala ver dentro das oficinas do Concello. ¿Por qué será? Dende logo, se non tivera nada que agochar teríamos toda a documentación a nosa disposición.

Igualmente lle solicitamos o martes, día 21, copia do INFORME DE INTERVENCIÓN sobre o endebedamento no marco do Real Decreto-lei 5/2009 e feito con ocasión da convocatoria do pleno que se tiña previsto celebrar.

Queremos ver, Sr. Isaac, ese informe de intervención negativo, o seu razoamento, e as medidas propostas para o saneamento económico.

É mentira o que dixeron nos medios de comunicación o Sr. Isaac e o Sr. Lago, que para acollernos o crédito tiñan que subir os impostos, ¡¡XA OS TEÑEN SUBIDOS O MÁXIMO!!, a auga, a recolleita de lixo e os sumidoiros, por estar privatizados, son máis caros que, por exemplo en Boiro. Estamos desfacendo as mentiras deste sibilino encantador de serpes que vende fume e minte máis que fala.

NON É CERTO que para acollerse ó Real Decreto-lei sexa necesario subir impostos xa que na Pobra non se poden incrementar máis. Xa se preocupou o equipo de goberno do PP de mante-los ó máximo para podelos despois despilfarrar.

Sr Maceiras: si solicitan un crédito por valor de 300.000 euros, ¿Que plan de saneamento farán? ¿Que acredores van a ter a sorte de poder cobrar? ¿Que criterio van utilizar para pagarlles?

Déixense de FACER PROPAGANDA e eliminen os gastos superfluos, (que son moitos), e non nos leven dereitos a ruína.

Ante estes feitos os socialistas da Pobra temos que recalcar que o Goberno de España, goberno socialista, mediante o PLAN DE AXUDAS A ADMINISTRACION LOCAL E AS PEMES, mais coñecido como o PLAN DE ZAPATERO esta pensado precisamente para que se lle paguen as facturas a todas aquelas persoas que traballan, porque quen traballa ten que cobrar, e a súa vez permite plantexar un plan de saneamento das arcas municipais e sentar as bases dun adecuado financiamento, tanto a curto como a medio prazo e por isto estabamos dispostos a apoiar no Pleno extraordinario previsto para o mércores día 22 de xullo, o Plan de Saneamento Económico no marco do Real Decreto Lei 5/2009 como xa se fixo nos concellos de Rianxo e Boiro

O PSdeG pídelle ó Sr. Isaac que explique publicamente o motivo oculto polo que suspendeu o Pleno. Esiximos que se pague ós acredores e se faga un plan de saneamento económico do Concello.

MENOS OSCURANTISMO E OCULTISMO, fagan fronte a realidade económica e non permitan que as empresas vaian a quebra pola súa neglixencia.

Xa coñecemos a pedra filosofal do Sr. Isaac: INVERTER SEN PAGAR.

O dito...."LO QUE LA VERDAD ESCONDE" ou "GRANUJAS DE MEDIO PELO", pero neste caso..o Harrison Ford ou o Woody Allen chámase Isaac Maceiras e resulta que.....¡¡NON É FICCIÓN AÍNDA QUE SEXA DE PELÍCULA!!

VIDEO ROLDA PRENSA

O PSdeG-PSOE insta ao goberno local a cumprir a normativa medioambiental

O PSdeG-PSOE presentou unha proposición non de lei para controlar os vertidos industriais no municipio. Redacción Barbanza TVSB

INICIATIVA DE LAGE NO PARLAMENTO CONTRA OS VERTIDOS

O deputado socialista José Manuel Lage ven de presentar unha iniciativa parlamentaria na que solicita á Xunta que «deseñe un plan de control e erradicación de vertidos do concello de A Pobra» co propósito de «afrontar dun xeito decidido un mal endémico que se vén padecendo dende fai moitos anos».
A proposta se fundamenta, según Lage, nas denuncias dos vecinos e do PSdeG pobrense que afirma que «os vertidos non son unha cuestión puntual, senón que se teñen detectado todo tipo de produtos químicos que incluso queiman as colleitas».

O parlamentario referiuse ás denuncias sobre vertidos procedentes de A Tomada e tamén da Baiuca que, " teñen contado co amparo do Valedor do Pobo, pero que seguen sen ter solución". Ó mesmo tempo, Lage Tuñas incidiu nas queixas dos veciños afectados polos cheiros que se produce na zona do río Morto.

"Existe unha falta de conciencia absoluta por parte das autoridades ao non ter en conta o dano irreparable que se lle causa ao medio ambiente, ademais dos prexuízos económicos que pode ter para os mariscadores", xa que indicou que a contaminación afecta ós cauces fluviales e á ría

Teresa García tamén sinalou que, a raíz dunha denuncia sobre as emisions en A Tomada presentada por seu partido, a fiscalía de Medio Ambiente decidiu abrir unha investigación.

Esta noticia foi publicada onte no diario La Voz de Galicia.

A AGONÍA DO COMERCIO LOCAL , UN ÉXITO DO SR. ISAAC

Vai xa para dez anos que o Partido Popular goberna o noso concello da Pobra do Caramiñal. Dez anos de promesas baleiras e reiteracións dirixidas unicamente aos medios de comunicación, moi lonxe da realidade social e económica que estamos a vivir na Pobra.

Escoitando ao Sr. Isaac dános a impresión que a Pobra ven a ser así coma o pobo ideal, o estado da perfección tanto espiritual coma do benestar, e o futuro que el nos propón é de viño e rosas.

Lamentablemente, e para mal dos nosos veciños, observamos como durante os dez anos que levan gobernando no foron capaces a reactivar o comercio local e dinamizar con propostas serias, ese alicerce tan importante da nosa economía.

Así pois, asistimos atónitos á decadencia dos nosos comercios, ao peche, á falla de clientes, e o que é aínda máis grave, á falla de motivación para mercar no noso Concello.

Durante todo este tempo de promesas, o Sr Isaac ¡¡foi INCAPAZ!! de crear e estruturar un plan de defensa e promoción do noso comercio. Desgraciadamente, as iniciativas de promoción dos nosos comerciantes e da hostalería, sen o apoio do Concello non son suficientes. Mentres tanto, o Sr Isaac dorme e soña na súa fantasía agardando que a man divina amañe o entorno.