SOLICITAR MELLORAS NO CAMIÑO DE ENTREHORTAS

Mª Teresa García Guillán, concelleira do PSdeG-PSOE da Pobra do Caramiñal, integrada no Grupo Mixto, ao abeiro do disposto no art. 97.3 do R.O.F., para o seu debate na vindeira sesión plenaria, presenta ó Pleno unha moción solicitando o arranxo do camiño de “Entrehortas”.

EXPOSICIÓN DE MOTIVOS

Os veciños que utilizan o “Camiño de Entrehortas” están preocupados polo estado deplorable no que se encontra dado o seu estado actual de deterioro e abandono. Este camiño é moi transitado diariamente porque sirve de atallo para numerosos veciños da Ponte Barbanza, Poza de Moraña, Paio,o Agro,…, e lles permite chegar ó centro urbano rapidamente.

Cónstanos que son frecuentes as visitas á alcadía dos usuarios que solicitan principalmente puntos de luz e limpeza, tendo en conta que por algúns lugares pasou unha máquina dúas veces que cortou as herbas das cunetas pero o camiño de Entrehortas quedou esquecido. Ademais as augas discorren sobre o pavimento xa que non existen elementos de canalización e evacuación.

Deberíase abordar a necesidade de converter este camiño ou corredoira nunha estrada adaptada ó tráfico rodado que desconxestionara especialmente a Poza de Moraña xa que desta maneira tamén facemos que o municipio progrese.

A preocupación do concello debería ser velar polo seu amaño máis aínda cando está nunha zona céntrica, con continuo paso de peóns e que podería ser escenario dun indeseado incidente.       

Por todo iso, este grupo que represento solicita a adopción do seguintes

ACORDOS:

1º.- O goberno municipal fará unha actuación urxente de acondicionamento do camiño de Entrehortas que consistirá na limpeza das silvas e da suciedade do chan e colocará algúns puntos de luz.

2º.- Conseguir os fondos necesarios para converter este camiño nunha estrada con acceso rodado.

A Pobra do Caramiñal, 12 de setembro de 2012

CADRECHE: UN CAMPO DE FÚTBOL NOVO MOI DETERIORADO

 

En xullo do ano pasado o alcalde e o secretario xeral para o Deporte da Xunta de Galicia, José Ramón Lete, inauguraban a bombo e platillo o campo de fútbol de Cadreche. A obra foi financiada na súa totalidade pola Deputación e a Xunta de Galicia cunha inversión de 776.950 euros. Estamos a falar dunha obra que soamente leva un ano en uso e presenta numerosas deficiencias que xa o verán pasado denunciamos e que se fai caso omiso as reivindicacións dos usuarios do campo.

As instalacións adoecen dunha falta total de material e de condicións axeitadas para práctica deportiva.

É preciso dar solucións a unha serie de carencias que deben de corrixirse:

· 

 

·         O acceso ó campo é intransitable no verán, no inverno é unha lameira, que se non se ten coidado terminará por danar o céspede artificial.

 

·         A valla que circunda o campo non conta con proteccións para evitar danos aos xogadores.

·         Falta de porterías móbiles, dotadas de rodas para evitar danar a herba artificial. As actuais son as que había no campo do Xobre, xa deterioradas.

     

   Mellora da rede perimetral, para evitar a saída dos balóns, xa que cada equipo perde diariamente un número importante deles. Neste punto hai que destacar que xa houbo algunhas lesións cando os rapaces van polos desniveis a recoller os balóns. Para elevar a rede perimetral o equipo de goberno pretende aproveitar uns postes da luz, (que xa están amoreados nun lateral do aparcadoiro), apaño insuficiente porque os balóns continuarían saíndo do recinto por non dar a altura necesaria. A rede perimetral debe ter unha altura duns 15 metros aproximadamente.

SEGURIDADE VIARIA EN SAN LÁZARO E POZA DE MORAÑA

Mª Teresa García Guillán, concelleira do PSdeG-PSOE da Pobra do Caramiñal, integrada no Grupo Mixto, ao abeiro do disposto no art. 97.3 do R.O.F., para o seu debate na vindeira sesión plenaria, presenta ó Pleno unha moción solicitando sinalización viaria.

EXPOSICIÓN DE MOTIVOS

A seguridade vial, a circulación e a necesidade de aparcamento debe adecuarse para responder de maneira óptima as necesidades dos veciños.

A Poza de Moraña soporta circulación intensa debido a que moitos vehículos, para evitar as caravanas no semáforo do centro da vila, desvíanse polo lugar. A circulación é en dobre sentido ademais cando hai coches aparcados nun lado faise perigoso, tanto para os viandantes como para os propios vehículos.

Precisamente as vivendas situadas na AC-305, ao paso por San Lázaro, carecen dun lugar para aparcar, de igual maneira que os veciños que viven na rúa que conecta a AC-305 ca Poza de Moraña

Os vehículos que veñen da Ponte Barbanza ou Virxe do Monte non poden incorporarse a AC-305 con dirección a Boiro por ter esta estrada liña continua, infracción habitual que se comete neste lugar e que se evitaría co sentido único.

Esta petición ven abalada por cincuenta e oito veciños que mediante as súas firmas solicitan o sentido único e que se lles facilite o aparcamento para mellorar tódolos aspectos da circulación rodada e dar respostas ao problema de aparcamentos que existe na zona.

En San Lázaro, na AC-305, non existe ningún tipo de sinalización, nin vertical, nin horizontal, que lles permita aos veciños cruzar a estrada cun mínimo de seguridade. Existe unha parada de autobús escolar e non contan cun paso de peóns, os contedores do lixo unicamente están nun lado da estrada aos que diariamente teñen que ir persoas de tódalas idades, é preciso cruzar para acceder as praias e na época estival teñen que permanecer unha media de 15 minutos a espera dun oco para poder cruzar.

Solicitamos una pequena actuación, co fin de afianzar a seguridade e a fluidez do tráfico rodado, e en prevención de que ocorran accidentes,

Por todo iso, este grupo que represento solicita a adopción dos seguintes

ACORDOS:

1º.- Que na rúa que vai desde a AC-305 a Poza de Moraña se posibilite o tráfico en sentido único e se permita o estacionamento co fin de responder ás necesidades dos veciños.

2º.- Instar a Administración competente en materia de seguridade viaria a que en San Lázaro, dote a AC-305 ca sinalización adecuada para garantir o tránsito dos peóns e manter a súa integridade física.

A Pobra do Caramiñal, 09 de agosto de 2012

VECIÑOS DA RIBEIRIÑA SÉNTESE DISCRIMINADOS

Mª Teresa García Guillán, concelleira do PSdeG-PSOE da Pobra do Caramiñal, integrada no Grupo Mixto, ao abeiro do disposto no art. 97.3 do R.O.F., para o seu debate na vindeira sesión plenaria, presenta ó Pleno unha moción solicitando que a rede de saneamento na Ribeiriña chegue a tódolos veciños.

EXPOSICIÓN DE MOTIVOS

A dispoñibilidade de saneamento e depuración das augas residuais é unha necesidade no Estado do benestar, que debe estenderse a todos os cidadáns e territorios. Parece que se está cumprindo co obxectivo de dotar de saneamento a unha zona con importante densidade de poboación como é a Ribeiriña e o Conchido.

No Pleno do 27 de maio de 2010 esta concelleira presentou unha moción na que solicitaba que as vivendas situadas no marxe dereito da estrada AC-305 en dirección Pobra-Boiro, e que non lindan co Camiño Real, puideran enlazar ca rede xeral do saneamento. A resposta do voceiro do PP naquel entón foi que non habería discriminación e que esas vivendas se conectarían por gravidade ó Camiño Real e que tódolos veciños se beneficiarían do servizo.

Afirmación e compromiso que pasados case dous anos non se cumpriron. Os propios veciños estiman que aproximadamente 30 vivendas carecen a día de hoxe do saneamento, especialmente as do dito marxe dereito en sentido Pobra-Boiro, e outras rúas secundarias. Estes veciños da estrada AC-305 séntense marxinados e discriminados por este equipo de goberno ante a imposibilidade de que a medio prazo poidan disfrutar da mesma infraestrutura que si dispoñen a maioría de persoas que viven na Ribeiriña.

Por todo iso, este grupo que represento solicita a adopción do seguinte

ACORDO:

Que se adopten as medidas necesarias para que as vivendas situadas no marxe dereito da estrada AC-305 (sentido Pobra-Boiro), así como as situadas noutras rúas secundarias lindantes ou non co Camiño Real, poidan enlazar de forma inmediata coa rede xeral do saneamento.

O CAMPO DA ALTA ABANDONADO

Mª Teresa García Guillán, concelleira do PSdeG-PSOE da Pobra do Caramiñal, integrada no Grupo Mixto, ao abeiro do disposto no art. 97.3 do R.O.F., para o seu debate na vindeira sesión plenaria, presenta ó Pleno unha moción solicitando o arranxo do campo da Alta.

EXPOSICIÓN DE MOTIVOS

Con data do 17 de setembro do ano 2007, o alcalde Isaac Maceiras, e o entonces presidente da Deputación, Salvador Fernández Moreda, acompañados por unha ampla comitiva inauguraban o campo da Alta. As obras consistiron na renovación por completo do terreo de herba natural, se dotou o estadio dun novo sistema de rego e drenaxe, ademais da instalación dunha barandilla, o pintado de muros e campo, e reformas nos vestiarios.
Estas obras tiveron un custe de 260.000 euros pagados exclusivamente pola Deputación.
Pasaron catro anos e tres meses e o campo de fútbol xa non se pode usar. O Concello comunicou, a mediados de decembro de 2011, os clubs Puebla CF e Crocha Balompé CF que ata marzo de 2012, xa non se lle permitía xogar ó fútbol no campo da Alta. O día 11 de xaneiro de 2012, baixo a presión dos clubs, o Alcalde rectifica e déixaos xogar pero baixo a responsabilidade dos mesmos. Pese a todo, é unha auténtica lameira, aínda que non chova ó pisar a herba hai auga ou simplemente con pisala de maneira suave xa desprende cheiro.
Como vimos dicindo dende hai anos, o mantemento das instalacións municipais é deficiente, cortase a herba soamente unha vez ó mes, o rego continúa funcionando aínda que chova e ninguén o vixía, non se trincha o terreo de xogo, a barandilla perimetral está apuntalada para que non caia e o pintado do campo o teñen que facer os equipos.
Xa no ano 2010, os clubs advertiron do problema que tiña o campo aos responsables do goberno municipal encargando estes un presuposto para tratar de evitar o deterioro, que ascendía a 7.000 euros. As obras consistirían en limpar drenaxes, levantar a herba e incorporar area e turba. Como é costume deste equipo de goberno non se adoptaron medidas correctoras e continuou un ano máis o deterioro do campo.
Tal abandono está permitindo que os arredores, e mesmo o campo, sexan utilizados como almacén de sinais, vallas e de outros materiais do Concello, que non deberan estar no interior dun recinto deste tipo.
Mención a parte merecen as instalacións deportivas de Cadreche. Ditas instalacións adoecen dunha falta total de material e de condicións axeitadas para práctica deportiva.
É preciso dar solucións a unha serie de carencias que deben de corrixirse é que xa foron denunciadas polo Grupo Municipal Socialista, entre estas están:
• Falta de porterías móbiles, dotadas de rodas para evitar danar a herba artificial.
• Mellora da rede perimetral, para evitar a saída dos balóns, xa que cada equipo perde diariamente un número importante deles. Neste punto hai que destacar que xa houbo algún accidente cando os rapaces caeron polos desniveis ó ir buscar os balóns.
• Vestiarios pequenos e insuficientes.
• Iluminación insuficiente para a práctica deportiva.
• Falla de auga quente suficiente para o aseo dos xogadores.Temos noticias de que un acumulador avariouse en novembro e aínda está sen arranxar.
• A masificación das instalacións; xa que están adestrando en Cadreche uns 40 mozos o mesmo tempo, 20 en cada metade do campo.
• O campo de Cadreche carece de gradas e os banquillos adquiriunos de segunda man un equipo recentemente.
• Vestiarios insuficientes, chan deslizante, un calentador con pouca capacidade.
• O acceso ó campo é unha lameira, que se non se ten coidado terminará por danar o céspede artificial.

Por todo iso, este grupo que represento solicita a adopción dos seguintes

ACORDOS:

1º.- Que de maneira urxente se proceda a reparación dos danos que ten o céspede e os drenaxes do campo da Alta.
2º.- Que se dote das melloras necesarias, en canto a material deportivo e das instalacións, o campo de Cadreche.
3º.- Que se faga un mantemento continuo e adecuado para evitar o deterioro das instalacións deportivas do Concello.

SOLICITAR CAMBIO DE TRAZADO DA ESTRADA EP-8001

Mª Teresa García Guillán, concelleira do PSdeG-PSOE da Pobra do Caramiñal, integrada no Grupo Mixto, ao abeiro do disposto no art. 97.3 do R.O.F., para o seu debate na vindeira sesión plenaria, presenta ó Pleno unha moción solicitando o cambio de trazado da estrada EP-8001 entre Catoira e o enlace da autopista do Atlántico (AP-9).

EXPOSICIÓN DE MOTIVOS

Diferentes accidentes de tráfico se producen decotío neste tramo dependente da deputación de Pontevedra que conecta a comarca do Barbanza coa autoestrada AP-9 e a zona sur de Galicia.

Este tramo presenta diferentes problemas de seguridade que esixe unha actuación de mellora decidida e urxente para eliminar a súa perigosidade.

Temos coñecemento que a Deputación de Pontevedra vai facer uns arranxos de urxencia pero insuficientes para a fluidez e seguridade das comunicacións entre o Barbanza e o sur da nosa Comunidade Autónoma.

É este un vial de interese prioritario para os particulares e para os transportes comerciais que a empregan, que representan un 15% dos usuarios.

As patronais que integran a Federación de Empresarios do Barbanza (FEB) veñen demandando dende fai anos actuacións ao respecto. Pola súa banda, as patronais de Arousa Norte mantiveron recentemente unha xuntanza na que acordaron solicitar á Xunta de Galicia (e en apoio desa demanda aos concellos da comarca) para que sexa transferida á Xunta e inclúa a obra entre os seus proxectos de interese prioritario.

Por todo iso, este grupo que represento solicita a adopción do seguinte

ACORDO

Instar a que a Xunta de Galicia, (ou ben asumindo esta as competencias), para que en colaboración ca Deputación de Pontevedra, cambien o trazado da estrada EP-8001.

A Pobra do Caramiñal, 02 de novembro de 2011.

ISAAC ARRANXA O PROBLEMA DUN AMIGO E A XUNTA SOAMENTE DISPÓN DE 60.000 EUROS PARA O MACROPOLÍGONO

A decisión de ampliar o polígono industrial da Tomada está tomada para legalizar unha instalación industrial construída no seu día en chan rústico de protección forestal e que ten orden de demolición polo Tribunal Supremo (25-noviembre-10), e que agora paradoxicamente, según as alegacións feitas polo empresario no que solicita a exclusión da súa parcela do proceso expropiatorio comprometéndose a participar no proceso de execución do plan e que se lle estima a alegación nos termos que propón, o cal é gravísimo porque esta decisión é unha burla aos cidadáns xa que en vez de o infractor adaptarse ó ordenamento xurídico, se adaptan as leis ó infractor. Inaudito e vergonzoso.

Vulnera a igualdade entre todos os administrados é unha clara discriminación as clases traballadoras. Unha actuación cun custe de 4.388.000 euros, dos que como mínimo 226.000 euros serán de beneficio industrial, non se levaría a cabo para a legalización dunha obra irregular realizada por outro veciño calquera.

Unha edificabilidade de 62.000 m2, dos que 20.000 xa están ocupados polas obras ilegais, non colma as necesidades futuras de chan industrial no pobo.

O custe da ampliación, que se ve beneficiada polas conexións e infraestruturas do actual polígono (accesos, sumidoiros, instalacións eléctricas e de auga), é un 10% máis cara do que custaría o macropolígono que sería un 1.000% máis grande.

-A omisión no planeamento do río de xunqueiras pode provocar a nulidade radical do Plan Parcial así como do PXOM, e algunhas alegacións advirten disto, o que pode supoñer responsabilidades administrativas para o concello graves.

Saneamento das augas residuais e pluviais

As solucións aportadas para o tratamento das augas pluviais e residuais resultan ineficaces e insuficientes, causarán serios problemas aos veciños por onde discorren.

Temos un gran problema co tratamento das augas residuais xa que os vertidos son continuos e permanentes a través da rede de augas pluviais cara o río Morto, aparecendo as augas con tinxes de varios cores.

Hai contaminación atmosférica, non hai máis que acercarse ó polígono para percibir os cheiros nausebundos.

Non se proxecta a construción dunha depuradora que axude a corrixir estes problemas, ó contrario, a ampliación aproveitará os servizos existentes para obter máis rendemento económico, sendo este goberno municipal consentidor e a promotora insensible co coidado ambiental e co sector produtivo dependente do mar.

É previsible o desbordamento e asolagamento dos terreos augas abaixo á Tomada debido o destino das augas pluviais cara o río Morto, procedentes da impermeabilización de 100.000m2. A Pontenaveira agora mesmo ten un serio problema de asolagamentos que se agravará no futuro.