¡¡Sí ten que ver coa política!!. Claro que ten que ver cos partidos e as súas políticas.

Os socialistas da Pobra e os de todas partes lamentamos profundamente que unha medida que afectou a máis de 217.000 alumnos e 167.000 familias, un 334 por cento máis que durante os anos de goberno do PP, unha medida de progreso e avance social e educativo, se vexa agora AMENAZADA polo GOBERNO FEIJOO, que NON CREE NO ENSINO PÚBLICO, NON CREE NA SOCIEDADE DO BENESTAR NIN NA IGUALDADE DE DEREITOS. Un goberno do PP que, queremos lembrar, FOI ELIXIDO POR UNHA MAIORÍA DE GALEGOS E GALEGAS o ¡¡1 de marzo!!....hai moi pouco. Costa crer que entre os que os votaron non houbera nais e pais de alumnos, incapaces por tanto de poñer en valor certas políticas.

Hoxe escoitamos voces na rúa. Algunha nai dicía "esto non ten que ver coa política"....¿Perddn? ¿escoitamos ben?..... ¡¡¡POR SUPOSTO QUE TEN QUE VER COA POLÍTICA: OS DEREITOS OS DAN OU OS QUITAN OS GOBERNOS!!. E OS GOBERNOS SE ELIXEN EN DEMOCRACIA, NAS URNAS. Y desgraciadamente o PP é quen retira os dereitos que pon en marcha o Partido Socialista. ¡¡Sempre pasa o mesmo!!

Nota de prensa do PSdeG-PSOE e do Secretario de Educación da CENG e portavoz parlamentario de Educación Guillermo Meijón.
A Xunta retira a gratuidade dos libros de texto con "nocturnidade e alevosía” Guillermo Meijón reclama a Feijóo que "volva ao carril correcto, o da esquerda, cunha sociedade adiantada en dereitos universais"

Santiago, 19 de xuño de 2009. O portavoz de Educación do Grupo Parlamentario dos Socialistas de Galicia, Guillermo Meijón, acusou hoxe á Xunta de retirar a gratuidade dos libros de texto en todo o ensino obrigatorio con “nocturnidade e alevosía”. Reclamou a Feijóo que “volva ao carril correcto, o da esquerda, cunha sociedade adiantada en dereitos universais” e dixo que “educar é o mellor investimento, especialmente nun momento de crise no que estamos obrigados a investir en capital humano”.
O parlamentario socialista lamentou o rexeitamento por parte do Grupo do PP dunha iniciativa na Comisión de Educación na que os socialistas reclamaban o mantemento da gratuidade dos libros de texto. Na súa intervención acusou ao responsable de Educación da Xunta de “non comparecer no Parlamento porque quería ter os centros vacíos cando anunciara a súa decisión de eliminar a gratuidade dos libros de texto” o que, dixo, “non é unha parálise, e unha volta atrás vergonzante”.

Meijón reclamou ao conselleiro “tan amigo das enquisas” que “consulte tamén aos pais si queren libros de texto gratuítos ou agrupar aos alumnos nun número que nin sequera Manuel Fraga se atrevía”. Lembrou tamén que o anterior conselleiro de Educación, Celso Currás, referíase expresamente á implantación da figura do acompañante escolar, o impulso das novas tecnoloxías e a gratuidade dos libros de texto como logros destacables do goberno anterior.

O parlamentario socialista instou a Feijóo a que “non minta cando dicía que o seu programa de austeridade non ía contra o gasto social, e resulta que a primeira decisión é eliminar a gratuidade dos libros de texto”. Preguntou polo tanto “si en sanidade tamén van anular o sistema e dar as receitas en función da renda” e lembrou que “o dereito á educación non é menor ao dereito á sanidade”.

Gracias Pablo polo teu apoio.

A pesar da tractorada que lle colleu polo medio, Pablo García - un mar de ondas de frescura - chegou á nosa Pobra e á nosa casa, a da agrupación socialista pedindo desculpas polo pequeno retraso, cun aire de nobleza e de entusiasmo que, valga a redundancia, entusiasmou a toda a militancia.
Haille que agradecer que tivera a ben aceptar a invitación que lle fixo a nosa Sª Xeral, Teresa García, para participar nunha asamblea ordinaria na que os militantes fixeron autocrítica e tamén se valorou a situación política actual de Galicia e do noso partido. É a primeira agrupación que o novo Sº de Organización visita na nosa comarca.

Veu sobre todo a escoitar, a tomalo pulso e o sentir do partido pero tamén veu a apoiar o traballo que levamos facendo na agrupación e tamén no grupo municipal socialista, Coa súa presenza respaldou ó actual equipo que dirixe Teresa e nos deixou un entusiasmo e unha ilusión renovadas.

Pablo está a percorrer todas as agrupacións de Galicia na súa nova tarefa como Secretario de Organización do PSdeG coa finalidade de xerar a suficiente ilusión de xeito que este partdio, nesta nova etapa na oposición, sente as bases cara ao futuro. Un futuro que pasa por manter os gobernos municipais que xa temos e conformar un novo mapa político en Galicia con novas maiorías socialistas nos concellos e polo tanto nas Diputacións. Tarefa difícil pero non imposible. A base fundamental para poder regresar ó Goberno de Galicia. Primeiro os concellos e despois a Xunta.
A verdade é que a asamblea discorreu cunha cordialidade extraordinaria non exenta de críticas razonables. Hai que destacar que da a sensación de que esta agrupación está como unha piña, había tempo que non se veía deste xeito. É unha evidencia que cando se traballa, cando se está nos problemas dos cidadáns, cando se mantén a coherencia, o resultado é fructífero. Temos unha base social que manter e ampliar. Os 1.391 votos das europeas teñen que retornar ao reconto local. De ahí para arriba. A seguir traballando e ¡¡a por todas!!

Gracias ao compañeiro Pablo por achegarse a nós, gracias á militancia por participar e gracias á cidadanía pola súa confianza. Non imos defraudar a ninguén.

Pablo García visita hoxe a nosa agrupación.

Hoxe a agrupación socialista pobrense celebra unha asamblea ordinaria na que nos acompañará o Sº de Organización da CENG, Pablo García. Estaremos na sede ás 20:30 horas

Mais servizos para A Pobra

Os socialistas da Pobra pedimos máis participación na vida administrativa e social da comarca posto que contamos cunha situación xeográfica privilexiada.

Os Socialistas da Pobra, estamos indignados diante falta de iniciativas e ideas por parte do goberno local, presidido polo Sr. Isaac.

Estamos preocupados pola falta de peso que o noso pobo ten na comarca do Barbanza, sen unha voz que sexa clara na defensa do noso pobo, fronte aos municipios veciños, que cada día, aparecen con iniciativas e propostas destinadas a reforzar os seus intereses na comarca. Estes reclaman a Xunta de Galicia ou ó Goberno de España, dende xulgados a rexistros da propiedade, dende oficinas do I.N.E.M. a unha sede comarcal do Instituto Nacional da Seguridade Social.

Claro está, que A Pobra cunha situación xeográfica envexable, nada ten que dicir a todo esto, porque a voz do noso representante, é dicir, o noso Alcalde, simplemente non está, non sabe ou cala pola sumisión debida ó compañeiro. De cada vez que o rexedor de Ribeira se pronuncia para reclamar a construcción da sede comarcal do INSS e construíla nunha parcela que o Ministerio de Traballo, (Tesourería da Seguridade Social) ten xunto a praza do centenario, os socialistas botámonos a tremer.

Recordar que esa futura sede integral da Seguridade Social en Ribeira, foi un acordo tomado no seu día polo goberno central, presidido nese entón por José Mª Aznar e os responsables locais e comarcais do PP no Barbanza. Nin entonces, nin recentemente cando o Sr. Torres, reclama nos medios de comunicación esa construcción, o Sr. Isaac non se pronuncia. (A Voz 9/5/09).

É certo, que nun Pleno da anterior lexislatura se fixera unha pregunta ó Congreso dos Deputados, pregunta que foi respondida en orden a situación actual. Neste tema, apliquemos a razón e o sentido común, duplicidades non van a ser permitidas. Os Pobrenses, a través do seu Alcalde, pedímoslle que tamén demande servicios para o noso pobo.

A Pobra do Caramiñal, dunha vez por todas, ten que reclamar en alto, claramente, a súa incursión e participación na vida administrativa e social da comarca. Non se pode deixar de lado, non debemos permitir a discriminación que levamos soportando durante tantos anos para favorecer continuamente a concellos como Boiro ou Ribeira.

La Voz de Galicia , Diario de Arousa