O goberno da Pobra está esgotado, sen iniciativa nin reflexos e no caso do POL quedou demostrado que tivo que ser o PSdeG-PSOE quen defendera os intereses dos veciños da Pobra porque o alcalde estivo ausente.
Fomos os socialistas os que disipamos todas as dúbidas e demos respostas xa que o Alcalde está adormecido e nada fixo polos veciños. Foi a remolque e copiando as nosas iniciativas.
Isaac Maceiras nin sequera aproveitou a visita do máximo responsable do POL a Pobra para defender o crecemento do noso pobo, simplemente faise fotos para que os veciños pensen que fai algo por eles.
Ca suposta reunión de traballo co director de sostenibilidade e paisaxe, debería terconvocado a tódolos grupos políticos da corporación porque toda a península do Maño, dende Caíños, Campiño ata Cabio, é dicir, todo o territorio que abarca desde o marxe esquerdo da AC-305 (dirección Ribeira), ata a praia da Lombiña, pasando pola Ribeiriña, a Mercé toda esa superficie ten hipotecado o futuro crecemento e desenrolo da zona pola calificación do chan como mellora ambiental e paisaxística.
É dicir, os propietarios das zonas anteriormente citadas, que na actualidade non poden construír porque o Plan Xeral non llo permite, dificilmente van a poder facelo no futuro a non ser que cambie o POL. Por iso advertimos das consecuencias económicas que van a derivarlle a estes propietarios, debido á aprobación deste POL, e que o Alcalde permanece impasible sen defender os interese dos seus veciños e dando palmas á actuación da Xunta só por ser da súa cor política.
A nosa proposta é que a Corporación Municipal do Concello da Pobra faga unha alegación conxunta para rebaixar a área de mellora ambiental e paisaxística.
1. Porque o PSdeG foi o ¡¡PRIMEIRO!! en solicitar que o POL se axustase ó Plan Xeral da Pobra. E o fixemos nun acto público na Pobra a través dos deputados José Manuel Lage e Mar Barcón no mes de abril.
2. Vostedes presentaron unha pequena alegación, na que en dúas follas se dedican a poñer recortes de prensa e inclúen a nosa revista informativa “Forte e Claro”. Choca ver que aparece un recorte de prensa do día 20 de abril pero non aparece o recorte do día 21 que textualmente dicía: “EL PSOE PIDE QUE EL PXOM DE A POBRA PREVALEZCA SOBRE EL PLAN DO LITORAL”
3. Non se esqueza vostede nin ese equipo de goberno que o Partido Socialista da Pobra, antes que ninguén, lle solicitou unha reunión con técnicos e con todos os grupos políticos da Corporación para analizar e clarificar os niveis e áreas de afección. Por suposto non fixo vostede caso.
4. Na súa alegación o PP da Pobra SOLICITA ÚNICAMENTE “ Que el Plan de Ordenación del Litoral incorpore las propuestas del Plan General de Ordenación Municipal de A Pobra do Caramiñal” (sic)
5. Vostede foi a remolque e copiando as boas iniciativas dos socialistas. Si o aportado foi para que non nos afectara o POL, benvido sexa, aínda que para ser inofensivo o POL levoulle ós técnicos meses resolver as afeccións que si había....
6. Polo tanto Sr Alcalde pregámoslle pida desculpas a este. grupo político e retire esa falcatruada que se lle ocurreu de pedir a dimisión da oposición. Son @s representantes electos do pobo Sr Maceiras, e con eso vostede demostrou que o concepto de DEMOCRACIA aínda non lle entrou ben nos miolos. Pero non resulta moi estraña esa actitude antidemocrática, cando un está educado nos principios sagrados do Movemento Nacional e de FE e das JONS.
7. Finalmente Sr. Maceiras, estamos á espera de visionar eses novos planos porque moito nos tememos que aínda haxa que volver á carga. Parece ser que o “axuste” non foi ao 100% e aínda queda algunha zona afectada.
8. Seguiremos informando á cidadanía que nos confiou o seu voto, mal que lle pese Sr. Maceiras, non facemos senón cumprir coa nosa obriga. Pero o facemos sen mentiras, coma as que facía vostede cando estaba na oposición que chegou a dicir que o pobo estaba invadido de ratos e vostede como o gran frautista de Hamelin que é as exterminou ¿verdade?. Agora tocaranos a nós limpar o pobo de gaivotas “carroñeiras”. As súas.
O PSdeG solicitará no Parlamento a prórroga da moratoria dos cincocentos metros de protección do litoral.
Foron moitos os veciños que se deron cita no salón de actos do ISM para asistir á charla convocada polo PSOE da Pobra sobre o Plan de Ordenación do Litoral. Os deputados autonómicos, Mar Barcón e Xosé Manuel Lage, expuxeron a visión dos socialistas sobre o documento elaborado pola Xunta ó que cualificaron de escuro e farragoso ademais da inseguridade xurídica que establece.
Por estes motivos, dende o PSdeG solicitarán a prórroga da protección dos cincocentos metros de protección do litoral posto que non sería razoable tomar decisións en virtude dun plan que presenta numerosos erros e xerou unha gran contestación social por parte dos concellos.
No caso concreto da Pobra, os socialistas solicitarán que tanto este como os demais concellos cos Plans Municipais adaptados á normativa urbanísitica non teñan que modificalos en función do Plan de Ordenación do Litoral.
Neste sentido, o deputado Xosé Manuel Lage instou ó alcalde da Pobra a defender os intereses dos seus veciños en lugar de pregarse ós ditados dun goberno autonómico que comparte a súa mesma cor política.
Esa posición construtiva pasa precisamente por manter a sostenibilidade do territorio de xeito compatible cun desenvolvemento urbanísitco ordeado.
Para seguir a informar sobre o novo Plan do Litoral e cómo éste vai afectar ao noso concello, mañá contaremos coa presencia dos deputados José Manuel Lage e Mar Barcón, esta última a portavoz no Parlamento de Galicia de Urbanismo e Ordenación Territorial. Por ser un tema de máxima importancia ao quedar gravemente afectado TODO o concello animámosvos a asistir e axudarvos a despexar as dúbidas ó respeito das vosas fincas e propiedades. Moitísimas casas da Pobra así como polígonos que aparecen no PXOM quedarían afectados polo novo plan da Xunta do Sr. Feijóo. O día 11 de marzo, xa hai máis dun mes, os socialistas requerimos ao Alcalde, mediante un escrito rexistrado no Concello, a través da nosa voceira, Mª Teresa Guillán, a facilitarnos toda a información e a reunir aos grupos municipais cos técnicos para facer fronte de maneira conxunta a este despropósito. O Alcalde fixo caso omiso e non atendeu as nosas demandas. Posteriormente fixemos unha rolda de prensa o 30 de marzo, á que segurían varias máis, unha o 7 de abril onde EMPLAZAMOS de forma sutil ao BNG a solicitar un PLENO EXTRAORDINARIO por este asunto, xa que eles son os únicos que teñen maioría suficiente para facelo. Dous días máis tarde o 9 de abril, o BNG rexistrou a petición de pleno. Sen ánimo de polemizar si queremos deixar ben claro que fomos os que, parafraseando a Espe Aguirre, "destapamos o caso POL".
O día 11 de marzo presentamos a través do rexistro unha solicitude ao alcalde solicitando unha reunión informativa co fin de analizar en profundidade e clarificar os niveis de afección do novo Plan de Ordenación do Litoral.
O Concello da Pobra do Caramiñal, como os demais concellos costeiros de Galicia, recibiron a primeiros de febreiro o avance previo e o documento inicial do Plan de Ordenación do Litoral.
Pasaron dous meses e o escurantismo entorno as afeccións do Plan de Litoral e o único que fomenta o Sr. Isaac, dado que está promovido pola actual Xunta de Galicia, gobernada polo PP.
Ante esta opacidade e co fin de informar aos veciños da Pobra das gravísimas afeccións, encargamos a un estudio técnico os planos da Ordenación do Litoral incluíndo a superposición dos planos do noso PXOM.
A magnitude das afeccións son de incalculable perda económica para as familias do pobo. En primeiro lugar quedamos asombrados ca cantidade de territorio que abarca a mellora ambiental e paisaxística, na que soamente se permite:
·Obras de rehabilitación e cambio de uso residencial, agrícola, gandeiro, forestal e outros análogos,...
·Instalacións e construccións que sexan necesarias para as explotacións agrícolas, gandeiras, forestais e outras análogas, ....
·Construccións necesarias para as explotacións de acuicultura e marisqueo.
·Actividades de caracter deportivo, sociocultural, recreativo e de baño, que se desenrolen o aire libre, con obras mínimas e imprescindibles para o uso de que se trate.
·Poderanse localizar espacios libres que pola súa natureza sexan compatibles ca natureza do paisaxe.
·Construccións e instalacións como: cementerios, escolas agrarias, centros de investigación e educación ambiental, entre outros.
·Construccións e rehabilitacións destinadas o turismo no medio rural.
Temos catalogado como mellora ambiental e paisaxística, case toda a parroquia do Maño, desde o marxe dereito da estrada AC-305 en dirección Ribeira-Pobra, empezando en Caíños, Cercias, todo o Campiño, Devesa, Bandaseca, o Castro, Ponte de San Antonio, Vilariño, Pedriñas, Arzobispo, Outeiro, Laxe, Costa, Garita, Áreos, ...todo o territorio que abarca desde o marxe dereito da estrada comarcal ata a praia da Lombiña.
Ca mesma catalogación está parte da Angustia e afecta principalmente a Crocha de Levante e Inferniño.
Estes lugares perden a clasificación de area de ampliación de núcleo rural, é dicir onde se podía edificar en 600 metros, co Plan de ordenación do Litoral, pérdena. Nestes lugares se extingue a posibilidade de edificar novas casas, soamente queda permitido dentro dos núcleos rurais. As persoas que teñan a súa vivenda situada na área de expansión de núcleo soamente lle van a permitir rehabilitala, sen tan sequera poder modificar o volume do inmoble se o precisara no futuro.
Hai outra nova catalogación denominada protección decorredor que ten as mesmas limitacións que a anterior, tamén se perde a área de expansión de núcleo e quedan prohibidos tódolos usos, excepto os suxeitos a explotacións agrarias.
Esta protección de corredor está vinculada aos espacios por onde pasan os ríos, ou zonas como vaguadas que cualifican de interese paisaxístico, aínda que estean emprazadas dentro da zona de ordenación.
Lugares que quedan dentro desta calificación aínda que non perdan na totalidade a clasificación de expansión de núcleo, entre outros están:
Rosamonde, Tarrío, A Granxa, Paio, Colo de Arca, Lesón, Gonderande, Rego, Cortizo,Baiuca, Devesa, Banda o Río, A Canisa, San Isidro, Crocha de Poniente, ...
A protección de corredor afecta gravemente a un polígono en San Roque que estaba clasificado como chan urbanizable delimitado.
Estamos perplexos ca actitude do Sr. Isaac, acusándonos de estar mal informados sobre as afeccións do Plan do Litoral no noso concello. Pese a que toda a península do Maño, é dicir, a maior parte desta parroquia está afectada pola denominada mellora ambiental e paisaxística, e que outros moitos lugares están afectados igualmente polo denominado protección de corredor, o noso alcalde permanece en silencio, negando as evidencias, e sen facer nada polas persoas as cales afecta este Pol.
Nós non mentimos aos veciños, nos asesoramos e lemos a normativa que a propia Xunta dispón ó efecto.
Nestes intres estamos na fase de audiencia cos concellos, para definir os usos e os desenvolvementos e a ordenación da costa de cada concello. Tras operíodo de audiencia, está previsto aprobar o plan de xeito inicial no mes de maio. As previsións da Xunta son que a aprobación definitiva sexa unha realidade en decembro de 2010.
É evidente que hai superficie do Concello de Pobra do Caramiñal que se encontra dentro do ámbito de xestión do Plan de Ordenación do Litoral, polo tanto es esa superficie será de aplicación o art. 3 da normativa do POL que di o seguinte:
“Hasta que o planeamento urbanístico se adapte ó presente plan quedarán excluídos da súa aplicación os chans clasificados a súa entrada en vigor como urbanos consolidados, núcleos rurais ou aqueles que conten con instrumento de desenrolo e de xestión aprobado definitivamente”
Ó resto do chan aplicaráselle directamente.
O Alcalde, como máximo responsable do concello debería ler minimamente a normativa, o art. 6.1 di “As determinacións do Pol prevalecerán sobre as establecidas no planeamento municipal”. Quere dicir que si non defende aos veciños teremos que adaptar o PXOM ao POL nas condicións que a Xunta ten a exposición.
Dadas as circunstancias de negación absoluta da realidade sería un momento excepcional para solicitar un Pleno extraordinario para que quedara constancia da ineficacia e desinterese deste equipo de goberno polos seus veciños, os socialistas non temos os concelleiros necesarios para poder solicitalo. Fan falta Sentimos que esta opción non sexa posible.
