DIVIDE E VENCERÁS (Rotonda Escurís)

 

Hai uns anos, durante o goberno do bipartito, fracasou un proxecto de seguridade vial para A Pobra que incluía varias actuacións ó longo da AC-305. Este proxecto foi botado abaixo polo PP que, habilidosamente foron quen de manipular aos veciños e veciñas afectad@s polo mesmo. Este proxecto incluía unha rotonda para redistribuír o tráfico na zona da Devesa, (Escurís), e afectaba naquel intre a unha finca cuxos propietarios presentaron alegacións ó mesmo.

Agora o Sr. Isaac Maceiras aparece vendendo una “marabillosa” actuación que contempla a construción da mesma rotonda e con afección da devandita finca, cando no seu día prometeulle solucionarlle o asunto para no seren expropiados forzosamente. Unha vez máis, demostrase que cando na Xunta a goberna o seu partido Isaac di “Sí señor” e cando gobernamos os demais fai manipulación política e demagóxica para conseguir votos fáciles.

Ao respecto de dita actuación e ante a falta de información por parte do goberno local, o PSdeG a través dos deputados Pablo López Vidal e José Manuel Lage Tuñas presentaron no Parlamento de Galicia unha pregunta escrita sobre “as razóns, os datos e as previsións respecto da construción dunha rotonda glorieta na estrada AC-305 Padrón- Riveira no Concello da Pobra do Caramiñal (publicada no BOPG 734 o 18 de xullo de 2012”.

Pregunta ao Pleno sobre a "Baltarización"

    

Mª Teresa García Guillán, concelleira do PSdeG-PSOE da Pobra do Caramiñal, integrada no Grupo Mixto, ao abeiro do disposto no art. 97.7 do R.O.F., formula ante o Pleno Corporativo para a súa contestación a seguinte

PREGUNTA:

O día 3 de xullo de 2012, o PSdeG da Pobra coñeceu  e comprobou que Estefanía García Lojo, (filla da concelleira de asuntos sociais, Balbina Lojo Olveira), estaba traballando con tarefas de atención ao público na oficina de turismo municipal.

• O artigo 3.Dous .do RD-L 20/2011 de 30 de decembro, de medidas urxentes en materia presupuestaria, tributaria e financeira para a corrección do déficit público. prohibe toda contratación de persoal laboral temporal .

• Por non existir convocatoria para dita praza, nin anuncio oficial na prensa  nin na propia páxina web do Concello.

• Por tratarse da filla dunha concelleira do Partido Popular da Pobra o que supón un acto de evidente nepotismo.

• Por incorrer unha vez máis este goberno local nun acto que outorga privilexios aos seus familiares directos facilitándolles o acceso ó traballo en detrimento do resto d@s veciñ@s

• Por incumprir co principio constitucional de igualdade, mérito e capacidade.

Por todo isto:

¿Hai algunha subvención doutra Administración para a contratación de persoal da Oficina de turismo?

¿Cal foi o criterio que se utilizou para darlle o traballo a esa moza?

¿Qué capacitación profesional se esixiu para optar a dito posto de traballo?

¿Por qué non se lle dou publicidade?

¿Por qué se vulnera o principio constitucional de igualdade, mérito e capacidade?

Por outra banda o día 6 de xullo 2012, o alcalde saíu nos medios de comunicación asegurando que Estefanía García Lojo non tiña ningunha relación laboral co concello, e que voluntariamente abre a oficina de turismo municipal porque quere estudar Turismo:

¿Qué acordo de responsabilidade ten o concello con dita moza  para deixarlle unha instalación pública?

¿Ten o concello contratado algún tipo de seguro de responsabilidade para cubrir os posibles desperfectos no inmoble mentres está aberto ó público baixo a responsabilidade dunha persoa que non ten ningunha relación contractual co concello?

¿Qué seguro ten contratado o concello para cubrir os posibles accidentes  da moza voluntaria?

A "BALTARIZACIÓN" DO CONCELLO DA POBRA

Fáltannos adxectivos para criticar a sinistra burla e a descarada estafa do alcalde Isaac Maceiras no que converte o acceso ao emprego público do concello, onde suple os principios de igualdade, mérito, capacidade e transparencia polos de enchufismo, clientelismo, amiguismo e escarnio cara a cidadanía.

No concello da Pobra os principios constitucionais de igualdade, mérito e capacidade requiridos para traballar en calquera administración pública novamente vólvense a infrinxir. Non é un principio básico para este Goberno que prometeu 500 postos de traballo en campaña electoral e o único que fai e enchufar aos amigos e descendentes dos seus concelleiros.

O martes pasado, día 3 de xullo abriu a oficina de turismo da Pobra, situada a carón do parque infantil do Castelo. Que se saiba non houbo ningunha convocatoria oficial para cubrir dita vacante co profesional máis cualificado. Dita praza a está ocupando a filla da concelleira de servizos sociais, Balbina Lojo Olveira. A súa filla Estefanía García Lojo, que tamén exerce como vogal de Novas Xeracións da Pobra foi a persoa elixida sen que teñamos constancia da preparación académica requirida e se reúne as condicións mínimas para o posto. 

Según puidemos saber o criterio para seleccionar a esta moza foi, aparte do enchufe por ser filla da concelleira de servizos sociais, “es que tiene buena presencia”. O comentario por  sexista merece a nosa repulsa e dedúcese que a lei de igualdade é unha broma para este alcalde. Na lexislación vixente non existe o  concepto de “buena presencia” para acceder a traballar na administración.

Aviso a nosa xuventude que aínda que estea preparada pero, se ten ideas propias e non  milita no Partido Popular,  no concello da Pobra non ten futuro.

Esta irresponsabilidade do Alcalde, fai que os veciños visualicemos a maneira que ten de premiar os amigos, neste caso a un membro do seu equipo de goberno, comportándose dunha maneira despótica propia de tempos pasados. Mófase da xuventude, fai que se nos vexa como un concello de chirigota, de enchufados e discrimina aos profesionais que puideran competir por ese posto de traballo. Quebrantan as leis para ser fieis os seus amigos co fin de  pagar favores, desmoralizan aos mozos e as súas familias e búrlanse de toda a sociedade.

Deixamos as seguintes  ligazóns para que lembredes que con anterioridade xa o alcalde obrou de forma pouco obxectiva para favorecer tanto a súa concelleira coma a súa filla:

Contratación de socorristas e limpeza de praias do ano pasado: 

 http://pobrasocialista.blogspot.com.es/search?q=socorristas

Outro favor que o alcalde lle fixo a mesma concelleira: 

http://pobrasocialista.blogspot.com.es/2012/04/derroche-puro.html

DEPLORABLE FUNCIONAMENTO DA CENTRALIÑA DO CONCELLO

A centraliña  telefónica do Concello da Pobra leva case un ano prestando un mal servizo aos cidadáns. O equipo de goberno é consciente deste deficiente servizo debido ás queixas dos usuarios e dos propios traballadores do Concello. O problema consiste en que cando soa o teléfono e descolga a traballadora municipal, esta non escoita a persoa que está ao outro lado da liña, sen embargo o usuario que chama escoita perfectamente a funcionaria.

O mal funcionamento deriva incluso en insultos moi graves dos traballadores do concello a persoas que pretenden solicitar calquera información. Eu mesma fun testemuña dun conflito por esta causa, chegando a funcionaria, accidental, (non a habitual), a proferir o insulto  “fillo de puta”, a persoa que está a o outro lado da liña telefónica. A Alcaldía inmediatamente coñeceu o sucedido pero unha vez recriminada levemente a funcionaria o goberno municipal non fixo nada por arraxar o problema, posto que seguimos na actualidade cas mesmas deficiencias que hai un ano. Os responsables municipais deben corrixir de inmediato a mala imaxe que se está a dar desde o concello, é gravísimo que desde unha institución pública se profiran insultos aos cidadáns.

Asemade, existe outra deficiencia a cal consiste en que estando a liña ocupada e chamando desde calquera terminal exterior, non da sinal de “comunicando”, polo que os Administrados poden entender que o servizo telefónico non está atendido. 

Por outra banda, deberían dotar de cascos a centraliña xa que as traballadoras están facendo outras tarefas  e teñen que atender ó mesmo tempo as chamadas. Ó non proporcionar os cascos pode derivar en patoloxías osteomusculares a nivel cervical polas posturas adoptadas ao ter que atender varias cousas a vez.

Por todo elo:

¿Por qué non se arranxa o pésimo funcionamento da centraliña municipal?

¿Por qué non se melloran as condicións ergonómicas das funcionarias que atenden as chamadas telefónicas?

¿QUÉN LLE CRE?

As promesas incumpridas de Isaac Maceiras, que emprega un acto pagado cos cartos de todos os pobrenses para facer propaganda unha vez máis.

Logo de 8 anos sen facer a gardería, e de prometela no Nadal de 2004 "como se fora un agasallo de Reis", volve agora á carga, cando non dá xestionado un Concello que ten na creba e que ten que ir a plan de axuste e pasa o tempo e gasta os cartos en actos, como a comida do venres, totalmente superflua e só para saír na foto. 

O concello da Pobra tivo necesariamente que acudir ao Plan da axuste, (endebedamento  para pagar ós provedores)por un importe de 1.554.091,49 euros. Entre estes figuran  as empresas de catering e demais establecementos de hostalería onde o equipo de goberno acude para organizar os convites, ( tales como a celebracións bandeira azul,  ágapes bandeira, inauguracións varias, xantar 3ª idade,….). 

O señor Maceiras debíase adicar a buscar os cartos para pagar as débedas destas cuchipandas e dos seus fastuosos actos de inauguración e deixar de prometer o que non vai facer... Pode que pense o señor alcalde que os pobrenses temos pouca memoria, pero a hemeroteca é terca e o día 25 de Nadal de 2004 saíu con que ía facer unha gardería para cen nenos: onde está, oito anos despois? É este o gran xestor da Pobra? Ben se ve: estamos afogados pola súa mala xestión.

Según conta a prensa o mandatario xa mostrou os planos de situación desa hipotética gardería ao invitado que trouxo a festa  dos vellos do pasado venres,  e ¿porqué non llos ensina aos lexítimos representantes dos veciños na Corporación? Será porque unha vez máis ten pensado desaloxar a unha asociación de veciños do local que ten concedido. Un colectivo máis silenciado.