¿Os alcaldes de Arousa Norte coñecen o alcance da crises?

A finais de xaneiro os alcaldes de Boiro, Rianxo, Ribeira e Pobra acudían a Fitur para promover o turismo da comarca. O próximo día 30 de maio din que van a unha xuntanza na Casa de Galicia en Madrid para promocionar o plan de turismo para o ano 2013.

Con este argumento apraza o pleno ordinario o alcalde Isaac Maceiras previsto para o día 30 de maio que se celebrará o día 6 de xuño.

A pregunta é si estes alcaldes de Arousa Norte coñecen o alcance da crises porque a austeridade e o sacrificio nos afecta a todos menos a eles. Ningún se ruboriza. A representación política esixe exemplaridade moral. Non podes pedir o que non estás disposto a dar.

Solicitamos maior transparencia das xestións feitas con diñeiro público co fin de que estas sexan mais eficaces. A cidadanía non sabe de qué se compoñen esas xornadas, como se desenrolan, canto lle supoñen as arcas públicas e finalmente si o custe compensa os resultados obtidos.

Pode que con todas as promocións que fan non acudan mais turistas á comarca debido a situación económica e a 6.202.700 parados, o que si temos claro é que os alcaldes si fan turismo.

PREGUNTAMOS: ¿ONDE ESTÁN OS CARTOS DA CHATARRA?

 

A finais do verán pasado o Concello decidiu que a escavadora de cadeas que estaba na Curota máis unha máquina de limpeza de praias foran para o desguace, por acabarse a súa vida útil.

É de todos sabido que os desguaces por este tipo de maquinaria pagan por tonelada de ferro. Preguntados os prezos nunha chatarrería do Barbanza, din que actualmente abónanse 220 euros por tonelada si se teñen que desprazar para desmontala no lugar onde este depositada.

Consultados varios técnicos estiman que soamente a escavadora de cadeas pesaba un mínimo de 20 toneladas polo que o Concello unicamente  por este concepto debeu de ingresar uns 4.400 euros.

O goberno municipal ten reservado nos orzamentos do ano 2012, 10.000 euros para a adquisición mediante leasing dunha máquina limpapraias.

Por todo elo:

¿Cal foi o importe que percibiu o Concello polo desguace da escavadora e máquina de limpeza de praias?

¿En que partida orzamentaria se integrou?

¿A que se dedicou ou vai a dedicar dito ingreso?

¿Por qué non se reflicte o custo do leasing da máquina da limpeza de praias cos ingresos obtidos polo desguace das máquinas fora de uso?

UNS POUCOS PROVEDORES DO CONCELLO COBRARÁN, O RESTO EN LISTA DE ESPERA

O Real Decreto ó que se acolleu o goberno de Isaac Maceiras, de data do 1 de xullo, é unha medida extraordinaria e urxente como a do ano 2009, que se facilitaba as Entidades Locais o saneamento de débedas pendentes de pago con empresas e autónomos. Esta norma ofrecía a oportunidade de concertar operacións de endebedamento para financiar remanente de tesourería negativos e obrigacións vencidas.

Como a difícil situación económica se mantén e persisten as dificultades do acceso ó crédito se adoptan con este Real Decreto novamente medidas urxentes e de carácter extraordinario para que as Entidades locais podan cumprir cas obrigacións das empresas e autónomos que contratan.

En xullo do ano 2009 convocouse e desconvocouse un pleno para acollerse ó R/D 5/2009 e pedir un crédito por 1 millón de euros para facer fronte as débedas cos provedores. Deron marcha atrás porque según dicían daquela “iso nun concello pequeno, hipoteca o futuro”. Naquel momento os técnicos disque lle dixeran que acollerse ó decreto era sinónimo de “ter que subir impostos” e que “o concello quedaba hipotecado”. Dicían que o cambio de idea era porque optaban a outro tipo de operación para pagar débedas.

Declaraban entonces que cando se dera conta da liquidación do ano 2008 poñerían en marcha un plan de saneamento financieiro para os próximos 3 anos do que nunca nada se supo.

Alardeaban de que o máis fácil sería optar por ese decreto, “pero con iso hipotecamos o concello” dicían.

Todo isto chámase coherencia, “donde dije digo ahora digo diego”. No ano 2009 descartaban a opción de acollerse ó R/D por ter 6 anos de vixencia e que o concello quedaría hipotecado si o remanente de tesourería fose negativo.

Pois ben cúmprense as mesmas premisas, o remanente de tesourería de 2008 é: -1.714.000 euros; 2009: -2.024.000 euros: 2010 -2.009.000 euros e si a liquidación do ano 2011 presenta un remanente de tesourería negativo, (como parece ser salvo que este concello xogue a lotería e lle toque), tampouco poden hipotecarse durante os anos que dura o crédito (2012, 2013, 2014).

Isto chámase falta de rigor e de coherencia cas contas. Perdemos dous anos e case 700.000 euros que podían estar solucionándolle a vida a moitas destas pequenas empresas. Agora solo lle permiten endebedarse por 321.000 euros , se hipotecan por case 318.000, e no 2009 podían solicitar ata 1 millón de euros.

Os que realmente están financiando a este concello son eses autónomos que resisten facturas sen pagar desde o ano 2004, 2006, 2007, 2009, 2010 e 2011. O noso recoñecemento a estes heroes por soportar tanto tempo sen pechar a porta dos seus negocios e ser eles os que realmente sofren a crise porque a Administración non os ten en consideración e opta por outras prioridades.

Coherencia e rigor é o que pedimos.

ESTE CONCELLO É UNHA RUÍNA

Tamén a Diputación da Coruña avisa ó concello, e nomeadamente ao equipo de goberno que preside o Sr. Maceiras, da magnitude económico-financeira e certifica a grave situación deste concello “amosando a situación de anos anteriores cun serio problema de liquidez”.

Certifica: “a situación é grave, 2009 é o quinto ano consecutivo que se liquida cun remanente de tesourería negativo alcanzando neste ano a súa cifra negativa máis elevada -2.024.571,41 euros, neste ano tamén se produce un incremento importante das operacións pendentes de aplicar o presuposto con respecto ó ano anterior o que vén a empeorar este déficit de tesourería”.

Estes son os resultados de 12 anos de desgoberno, de despilfarro e de non racionalizar nin priorizar as necesidades dos veciños. Esa cacareada boa xestión ten un resultado tan negativo que fai que este concello nunca tivera cotas de endebedamento tan alto.

“O pendente de pago mantense nunhas cifras elevadas en todo o período cun lixeiro incremento neste ano que alcanza a cantidade de 2.717.279,91 euros o que pon de manifesto un importante problema de liquidez no concello que ten que provocar necesariamente un atraso importante no pagamento das súas obrigas”.

Estes tecnicismo non terían tanta transcendencia si detrás deles non existise unha realidade como que hai preto de 3 millón de euros de pagos pendentes, é dicir débedas con provedores, con pequenas e medianas empresas, que están longo tempo sen cobrar, tendo en conta que soamente estamos a falar de gastos recoñecidos. Si estiveran contabilizados tódolos compromisos totais de pago, a situación seguro que ten tintes máis dramáticos.

Un Plan de Saneamento non consiste só en reducir a débeda bancaria a conta de deber máis, a quen ten máis necesidade de cobrar, estamos a falar dos autónomos, as pymes e todas as empresas que prestan servizos ó concello.

Compre un Plan serio e responsable que abarque a difícil realidade das contas locais, canto máis se prolongue esta situación, máis dolorosa e difícil será a solución. Este alcalde ca aptitude perseverante de inconsciencia vai a hipotecar os exercicios futuros e supón unha importante irresponsabilidade nunha realidade tan difícil como a actual, na que as Administracións teñen que ser exemplo de cumprimento das súas obrigas, de austeridade e bo goberno.

Continua dicindo o informe “sorprende que o concello non aproveitara a medida especial de saneamento que ofrecía o RDL 5/2009 mediante a concertación dunha operación extraordinaria de endebedamento pola suma do remanente de tesourería negativo e das operacións pendentes de aplicar o presuposto, como maneira máis oportuna para sanear este déficit de tesourería”.

Todos nos acordamos de varias comparecencias do alcalde ante os medios de comunicación en que primeiro anunciaba que se acollía o RDL e despois que non. Estas idas e vidas falan do esgotamento deste goberno e da falta de rigor e seriedade que lle merecen as contas públicas.

Si fixera no seu momento o Plan de reestruturación, suporía a aplicación dunha disciplina orzamentaria (baixo tutela) que tería paliado esta situación financeira que presenta o Concello. O que realmente conseguiron foi evitar o tutelase externo das contas con omisións incomprensibles non só para os servizos económicos da Deputación Provincial, que cualifican literalmente de “sorprendentes”, senón tamén para a propia Intervención Municipal, xa que non se rexen nin polo dictado dos técnicos nin polo interese público, e que supoñen o empobrecemento sistemático do noso concello.

No informe da Deputación non se fai referencia ao paradoiro de 200.000 euros procedentes da monetarización do aproveitamento urbanístico do polígono 7, percibidos polo Concello en 2008 por un convenio urbanístico.

Estes cartos, sobre os que xa se pediu información e que non se atopan en ningún lugar, teñen un destino legal específico sinalado nos artigos 177 da LOUGA e 39 da Lei o Solo estatal, e deberan estar integrados no inventario separado do Patrimonio Municipal do Solo.

Pois ben, como xa advertiu no seu día o interventor, estes cartos non están correctamente contabilizados, polo que se impide a todo aquel que revise as contas públicas saber se foron ou non gastados, se se aplicaron ou non ao seu destino legal, ou se se empregaron indebidamente para realizar pagos fóra do seu obxecto.

Simplemente, estes cartos non se sabe onde están, pero sí se sabe que grazas á xestión económica do goberno de Maceiras, o Concello ten un saldo negativo case que 15 veces superior a eses 200.000 euros; o que ten o peto furado, calquera cousa que meta a perde.

O Alcalde da Pobra pensa que o concello é o seu "cortijo"

Na Intervención do Concello, está o expediente relativo á Conta Xeral correspondente ó exercicio do ano 2009. O Concello ten que cumprir a obriga legal de render as contas que constitúen o mecanismo que pon de manifesto a xestión realizada e permite controlar o uso e destino dado aos fondos públicos, en definitiva é un mecanismo de control.

Unha vez máis o Alcalde - Presidente da Corporación pon atrancos para obter a información necesaria para o posterior debate en Pleno sobre a aprobación da conta xeral do ano 2009. O pasado mércores día 27 de outubro foron solicitados verbalmente na Intervención Municipal, e por escrito o día 29, os informes de reparo seguintes:

• Informe sobre determinados incrementos salariais superiores ós legalmente previstos.
• Informe sobre a aprobación de facturas. Omisión de procedemento de contratación por exceder o importe ou prazo de duración dos contratos menores. Ausencia de factura pola prestación do servizo.
• Informe sobre a recadación de taxas por ocupación de dominio público. Inexistencia de liquidacións ou autoliquidacións xustificativas da recadación.

É evidente que a oposición está para fiscalizar ao goberno e nos parece gravísimo non ter acceso a esta documentación porque se supón que os incrementos salariais superiores os previstos non os pagou o Alcalde ca súa nómina, nin ningún outro membro do equipo de goberno.

Igual de grave é a ausencia de facturas pola prestación de servizos, non ter acceso a esa documentación fai pensar na multitude de facturas que poidan estar nos caixóns agochadas, e si a persoa ou empresa que prestou o servizo non pasa esas facturas por rexistro corre o risco de non cobralas.

A inexistencia de liquidacións xustificativas sobre a recadación de taxas pola ocupación do dominio público, pódenos facer pensar o peor, da deriva que poidan ter eses cartos.

Todos estes temas son de gravidade extrema porque cos cartos públicos o Sr. Isaac debe ser exquisito e transparente.

En todo caso supoñendo que eses informes foran irrelevantes non tería inconveniente en facilitalos, desta maneira o único que nos queda que pensar, no mellor dos casos, é que se trate de chapuzas ou trapicheos administrativos, sempre de mal gusto, porque non hai mellor orgullo que ser transparente e honrado.

É imposible ter debate no Pleno si se nos censura a información, tendo en conta que todos eses informes son parte da conta xeral do 2009 e da necesidade de fiscalizar o uso correcto ou indebido dos fondos públicos.

O obxectivo é que se atendan as peticións da oposición, (claro está, si non hai que agochar), porque a conta que se aprobe nese Pleno procede dos impostos de tódolos pobrenses e non da economía familiar do Alcalde, (que esa soamente lle afecta a el).

Por outro lado recoñece publicamente que efectuar inversións cos fondos propios do concello é unha tarefa difícil. Recomendámolle que reduza os gastos en atencións protocolarias, en pompa e boato, porque con eses actos minguan as arcas municipais. Toda esa propaganda tan vistosa pagámola todos os pobrenses. Menos gastos improdutivos e máis eficiencia e racionalidade na xestión.

Este dispendio dos pasados días contrasta cas reclamacións dos provedores, que como almas en pena, van cada día a intentar cobrar o que se lles debe, e para eles non hai cartos. Esta si é a nosa preocupación, menos derroche e máis pagar as persoas que prestaron servizos.

Reclamamos TRANSPARENCIA, e un concello que saiba os recursos económicos cos que conta, e a quen se lle debe.

A DEPUTACIÓN SOCIALISTA VAI INVERTIR NA POBRA PERO ¡AS ARCAS DE ISAAC NON DAN PARA MAIS!

A Deputación Provincial da Coruña puxo en marcha un Proxecto de promoción de eficiencia, aforro e calidade enerxética, facendo auditorías en 83 concellos, sendo a Pobra do Caramiñal un dos seleccionados. Realizouse unha análise detallada dos alumeados públicos e das dependencias municipais e unha proposta de medidas correctoras para conseguir, o aforro e a calidade enerxética desexada.

Na auditoría apreciase a falta de mantemento da iluminación pública, destacando o propio informe a falta de limpeza das lámparas, a humidade e po dos cadros de mando.

OS FALLOS:

- A optimización da contratación. So 17 cadros de mando dos 58 do concello están ben aproveitados. Todo esto repercute nun gasto innecesario anual que ronda os 663,22 euros.

- Corrección da enerxía reactiva. É aquela que teñen tódolos motores e transformadores internamente polo feito de estar conectados á electricidade, que provoca unha sobrecarga interna, diminuíndo a efectividade. Necesitase colocar baterías de condensadores para corrixir a deficiencia.

- Reducción do fluxo a media noite. Basicamente é diminuír a potencia das luminarias a partir das horas que circula menos xente. Para esto é necesario colocar uns reductores de fluxo en cada cadro de mando.

- Substitución das lámparas. Este concello conta con unhas lámparas moi antigas, da orden de 1.553 lámparas que se deben cambiar, xa que son de outro tempo e non son eficientes na actualidade. Resaltase neste apartado o problema das luminarias tipo globo que desaproveitan a capacidade lumínica e provocan contaminación

Desoíndo os consellos dos Socialistas da Pobra, o Sr. Isaac e o seu equipo, foron incapaces de apostar polas enerxías renovables

Toda a cuantía destas reformas para mellorar a eficacia (que non ten nada que ver ca enerxía renovable), sería do entorno dos 200.000 euros, dos cales a Deputación neste apartado non aporta nin 1 euro. Hai que dicir que facendo esta inversión o concello da Pobra aforraría 52.000 euros anuais na factura da luz,

Saiban os veciños da Pobra que este concello ten carencias por valor de 200.000 euros soamente en alumeado público, pese a que o Sr. Isaac nos di continuamente que en todo imos á perfección.

Na auditoría estúdanse as instalación municipais, a excepción do colexio Pilar Maeztu porque non se facilitaron os datos, e non se estudian dependencias como o Museo Valle Inclán, que este último consume máis Kwh que o centro de saúde ou o colexio Salustiano Rei Eiras. ¡¡INCRÍBLE!!

A inversión que vai facer a Deputación que preside O SOCIALISTA SALVADOR FERNÁNDEZ MOREDA é de 53.703,75 euros, unicamente se vai a destinar esta cantidade a mellora da eficacia e eficiencia enerxética, porque o Concello da Pobra que dirixe o PPopular Sr Isaac non ten liquidez para afrontar obra nova con recursos propios.

Instalaranse placas solares no pavillón de Venecia e caldeiras de biomasa no colexio Fdez Varela e na gardería Monte Carmelo. Pensamos que sería conveniente instalar máis dispositivos de enerxías renovables en outras dependencias municipais, tal e como o Partido Socialista instou mediante unha moción ao Pleno (ver en etiquetas "Mocións" neste Blog).

É necesario facer unha forte inversión para así reducir a factura anual e para ser un pouco máis comprometidos ca natureza e co futuro.