Mª Teresa García Guillán, concelleira do PSdeG-PSOE da
Pobra do Caramiñal, integrada no Grupo Mixto, ao abeiro do disposto no art.
97.3 do R.O.F., para o seu debate na vindeira sesión plenaria, presenta ó Pleno
unha moción relativa a evitar o
desmantelamento do Centro de Atención e Información da Seguridade Social
que presta servizo comarcal.
EXPOSICIÓN
DE MOTIVOS
Según o Informe da comisión para a Reforma das
Administracións Públicas (CORA) e a resultas das conclusións das Xornadas de
Traballo de Informática Provincial da Seguridade Social organizadas polo
Ministerio de Emprego e Seguridade Social, celebradas en Pozuelo de Alarcón
(Madrid) durante os días 26 e 27 de novembro de 2013, prevese una redución
estimada dun terzo dos Centros de Atención e Información do Instituto Nacional
da Seguridade Social (CAIIS) durante a primavera de 2014.
A Comunidade Autónoma de Galicia conta nestes
momentos con 36 CAIIS dos cales 6 son urbanos y 30 prestan servizos comarcais,
cada un deles a varios concellos. Según as previsións de supresión, en Galicia
se suprimirían 12 CAIIS, quedando reducida a prestación dos servizos de estes
centros a 24 CAIIS.
A Pobra, no Centro de Atención e Información da
Seguridade Social, CAISS, atende as persoas e empresas dos municipios de
Ribeira, Boiro, Rianxo e Pobra que suman unha poboación de 68.369 habitantes. A
súa ubicación neste Concello non foi aleatoria, nin elixida ó azar, temos unha situación
xeográfica privilexiada e envexable. Estamos equidistantes de Ribeira e Boiro e
máis próximos para afrontar os veciños de Rianxo os desprazamentos.
De confirmarse esta medida que iría en contra dos
intereses da cidadanía e provocaría un gran trastorno a empresarios,
traballadores e pensionistas, que terían que desprazarse a Santiago de
Compostela, onde hai soamente 1 CAISS. A poboación de Santiago é de 95.671
habitantes, atende ademais a Concellos limítrofes como Ames con 29.331 hab., e
Teo con 18.454, polo que baixaría notablemente a eficacia e eficiencia do
servizo.
Preocúpanos cómo se vai paliar este prexuízo que
provocaría o peche do CAIIS para a cidadanía e solicitamos que se teñan en
conta criterios tan relevantes para Galicia como a dispersión xeográfica, a
dificultade de acceso aos recursos informáticos, a falta de transporte público
de calidade e o envellecemento poboacional e o empobrecemento que sufre a
comunidade.
Esta medida supón tamén unha privatización de
servizos e máis recortes discriminados e discriminatorios do PP, porque todas
as competencias dos CAIIS, que xestionan contratos, convenios, pensións e
prestacións, se pechan 1/3 destes centros, se pretenden trasladar ao uso da
consulta por teléfono e do ordenador sen ter en conta as dificultades que ten a
maioría da poboación galega, moi envellecida, para empregar os sistemas de
atención telemática.
O PP está degradando os servizos públicos, toman a
crise como escusa para dar cabida ao seu afán privatizador, trátase dun servizo
rendible, polo tanto alguén o vai dar. Todos estes servizos, co debilitamento
do público, caerán en mans privadas, que se van lucrar co que é un dereito da
cidadanía. Descoñecemos os criterios que se están a empregar para estes
recortes.
Temos que recordar o Decreto 19/2011, do 10 de
febreiro, polo que se aproban definitivamente as Directrices de Ordenación do Territorio
deixou fóra da clasificación como cabeceira ou subcabeceira de comarca ao
concello da Pobra do Caramiñal.
A normativa aprobada polo goberno galego esqueceu
á Pobra do Caramiñal como concello e déixao relegado e nunha posición
absolutamente secundaria alonxada da súa relevancia no plano territorial e
económico.
A Pobra do Caramiñal veuse completamente esquecida, pois A
Pobra está no grupo de vilas consideradas como núcleo principal dos restantes
concellos e parroquias rurais nos que unicamente se concentrarán as
dotacións básicas de tipo administrativo, docente, sanitario, cultural de
carácter local.
Polo tanto, é fundamental que se manteñan estas
oficinas no noso Concello, é a única Administración que nos queda, e que se
desmantela xamais volveríamos a prestar servizo en base a Normativa vixente. É
prioritario un acordo unánime de todo o
Pleno da Corporación, ademais de contar co apoio de todas as forzas sociais e
económicas do Barbanza co fin de reforzar a permanencia do CAISS na Pobra.
Non queremos que se nos acuse de alarmar á
cidadanía, xa contamos con outro antecedente de desmantelamento dunha
Administración estatal no Barbanza, a Delegación da Axencia Tributaria de
Ribeira. Esta Delegación quedou unicamente como punto de información e
asistencia, tendo que desprazarnos os veciños do Barbanza a Santiago, ou
contratar os servizos dunha xestoría, para facer determinados trámites. Como
exemplo que sirva as declaracións informativas que este mes de xaneiro a
Axencia Tributaria obrigou aos usuarios a facer electrónicamente a través de
internet. En Santiago habilitouse persoal para axudar aos contribuíntes a
cumplimentar determinados formularios, se non se houbera desmantelado a Delegación
de Ribeira, poderían os contribuíntes forrar tempo, cartos e desprazamentos.
Por todo iso, este grupo que represento solicita a adopción dos seguintes
ACORDOS:
1º.- Solicitar o apoio de todas as forzas sociais
e económicas dos municipios afectados co fin de reforzar a permanencia do CAISS
na Pobra do Caramiñal.
2º.- Que os Grupos Municipais desta Corporación
expresen o súa confirmación a
permanencia do Centro de Atención e Información da Seguridade Social ubicado na
rúa Castelao, 25 deste Concello.
Aprobada esta moción
darase traslado da mesma ós grupos políticos presentes no Congreso dos
Deputados.
A Pobra do Caramiñal, 31 de
xaneiro de 2014.
No hay comentarios:
Publicar un comentario