Esta
semana o equipo de goberno da Pobra nos anunciaba a bombo e platillo que
creaban un portal sobre cuestións medioambientais para empresas e veciños
relacionadas co medio ambiente e a sostenibilidade.
Non
tivemos que esperar máis que un día para que os vertidos percorran o río Morto.
Sinceramente, prescribirlle un duro tratamento de psicoanálisis a este
goberno local sería o máis sensato que un especialista fixera porque ca
problemática de vertidos e o permanentemente mirar cara outro lado, sen que
sexan capaces de aplicar o regulamento que eles mesmos fixeron e aprobaron,
presumir e habilitar un portal desas características é tomarlle o pelo aos
cidadáns. ¡Por algo vivimos no pobo do esperpento!
Insto ao alcalde a que colgue as fotos do río Morto
contaminado en dito portal e ofreza ao mundo a súa incompetencia na defensa do
medio ambiente.
Esta
alcaldía é imposible que faga un control dos verquidos industriais para
afrontar dun xeito decidido un mal endémico que vén padecendo dende fai
moitos anos o noso concello.
Os
veciños da Pobra do Caramiñal estamos sufrindo un ataque permanente á saúde dos
nosos ríos e da ría de Arousa pola pasividade do goberno municipal, o que ten
consecuencias nocivas para a poboación.
A
voceira Socialista ven denunciando que os vertidos son continuados, non
se trata dunha cuestión puntual, senón que se teñen detectado todo tipo de
produtos químicos ameazando permanente a saúde do río Morto.
Os
responsables municipais deben traballar para facer compatible o desenvolvemento
económico, a través das industrias asentadas na zona, co respecto ó medio
ambiente e ó cumprimento da lexislación ambiental.
No hay comentarios:
Publicar un comentario